အခုဖော်ပြပေးသွားမှာကတော့ စွန့်ဦးတီထွင်မှုတွေ
လုပ်ရင်း သူတို့ရဲ့တီထွင်မှအတွက်ပဲ အသက်ပေးခဲ့
ရတဲ့ ပုဂ္ဂိုလ်တွေအကြောင်းပဲဖြစ်ပါတယ်။
တစ်ခါထဲအပြီးမဖော်ပြပဲ အပိုင်းငယ်လေးများအနေ
ဖြင့်ခွဲပြီးဖော်ပြပေးသွားမှာဖြစ်ပါတယ်။ အခုလိုလုပ်
ရတာအတွက်လည်း တောင်းပန်ပါကြောင်းပြောပါ
ရစေခင်ဗျား။
အခုကစလို့ တီထွင်ရင်းအသက်ပေးခဲ့ရသူများ အပိုင်း ၁ လို့စလိုက်ကြပါစို့။
တီထွင်ရင်း အသက်ပေးခဲ့ရသူများ (၁)
တီထွင်မှုတစ်ခုဆိုတာ လွယ်ကူလှတာတော့မဟုတ်ပါဘူး။ အခန့်မသင့်တဲ့အခါ တီထွင်သူတွေရဲ့ကိုယ်ပိုင်အသက်တွေကိုတောင် ခြွေယူသွားတတ်ပါတယ်၊ ဘာပဲဖြစ်ဖြစ်မအောင်မြင်သည်ဖြစ်စေအောင်မြင်သည်ဖြစ်
စေသူတို့ရဲ့စွန့်ဦးတီထွင်မှုတွေကြောင့်ပဲ တိုးတက်လာကြရတာမဟုတ်ပါလား။
ပထမဦးဆုံး နံပါတ် (၁) ကတော့ ဟင်နရီစမိုလင်စကီး ပဲဖြစ်ပါတယ်၊ သူဟာ နော့သရော့ ကုမ္ပဏီကအင်
ဂျင်နီယာတစ်ယောက်ဖြစ်ပါတယ်။ အဲဒီအချိန်က နော့သရော့ ကုမ္ပဏီဟာ နှစ်မျိုးစပ်ယာဉ် အထူးသဖြင့်
ကားပျံတွေကို ထုတ်လုပ်ရောင်းချဖို့အားသန်နေခဲ့တဲ့အချိန်လည်းဖြစ်ပါတယ်။ ဒါနှင့်ပဲ ဟင်နရီစမိုလင်စကီး
ဟာ အဲဒီကားပျံတီထွင်မှုအတွက်ဦးဆောင်အင်ဂျင်နီယာတာဝန်ယူခဲ့ပါတယ်။
၁၉၇၃ ခုနှစ်မှာတော့ နော့သရော့ ကုမ္ပဏီဟာ ပထမဆုံးကားပျံ ကိုတည်ဆောက်နိုင်ခဲ့ပါတယ်။ အဲဒါက
တော့ ဖို့ဒ် ကထုတ်တဲ့ Pinto မော်ဒယ်ကား နောက်ပိုင်းမှာ Cessna Skymaster လေယာဉ်နှင့်တွဲဖက်
ပေါင်းစပ်ပေးလိုက်တာပါပဲ။ Cessna Skymaster လေယာဉ်ရဲ့တောင်ပံအပါအ၀င်အစိတ်အပိုင်းတွေကို
ကားရဲ့နောက်မြီးမှာ ဖြုတ်နိုင်တပ်နိုင်အောင် လုပ်ထားတာပါ။
စမိုလင်စကီး ကတော့ယခုအစီအစဉ်အောင်မြင်သွားရင် နောက်နှစ်တွေမှာ ထုတ်လုပ်ရောင်းချသွားဖို့ကို
အစီအစဉ်ရှိခဲ့ပါတယ်။ ဒါပေမယ့် စက်တင်ဘာလ ၁၁ ရက်၊ ၁၉၇၃ ခုနှစ် မှာပထမဆုံး ကားပျံရဲ့ စမ်းသပ်
ပျံသန်းမှုကို စတင်ချိန်မှာ တော့ကားနောက်ပိုင်းမှာ တွဲထားတဲ့လေယာဉ်ဟာ ကျွတ်ထွက်သွားပြီး ကားပျံ
ကိုစတင်တီထွင်ခဲ့သူ ဟင်နရီစမိုလင်စကီး နှင့် လေယာဉ်မောင်းသူ ဟာရိုးဘလိတ် တို့ဟာ ပျက်ကျပြီး
ကွယ်လွန်ခဲ့ရပါတယ်။
အဲဒီနောက်မှာတော့ အမျိုးသားသယ်ယူပို့ဆောင်ရေး လုံခြုံမှုနှင့်အန္တရာယ်ကင်းရှင်းရေးဘုတ် အဖွဲ့က Pinto ကားရဲ့ကိုယ်ထည်ပိုင်းဂဟေတွဲစပ်မှု ညံ့ဖျင်းလို့ဖြစ်ရတယ်လို့ ဆုံးဖြတ်ချက်ချခဲ့ပါကြောင်းတင်ပြ
လိုက်ရပါတယ်ခင်ဗျား။
နောက်ထပ်တီထွင်ရင်းအသက်စွန့်သွားရသူများကိုဆက်လက်တင်ပြပေးသွားဦးမှာဖြစ်ပါတယ်ခင်ဗျား။
No comments:
Post a Comment