လွတ်လပ်စွာကိုးကွယ်ခွင့်ဆိုတာရှိပါတယ်။ မိမိနဲ့ဘာသာမတူတိုင်း တစ်ဖက်သားလူကိုးကွယ်တဲ့ ဘာသာရေးဆိုင်ရာအဆောက်အဦ၊ အထိမ်းအမှတ်တွေကိုဖျက်ဆီးတာမကောင်းပါဘူး။ အဲဒီလိုဖျက်ဆီးလို့လည်း ဖျက်ဆီးခံရတဲ့သူတွေက သူတို့ကိုးကွယ်တဲ့ဘာသာကနေ အခြားဘာသာကို ပြောင်းလဲကိုးကွယ်မှာမဟုတ်ပါဘူး။ အဓိကဖြစ်ရမှာက ကိုယ့်ခြံစည်းရိုးကိုယ်လုံအောင်ကာရမှာဖြစ်ပါတယ်။
မိမိကိုးကွယ်တဲ့ဘာသာရဲ့ အနှစ်သာရကိုသိအောင်လေ့လာ။ နှလုံးသားထဲမှာရောက်အောင်လေ့လာ ကိုးကွယ်ကြပါ။
မြတ်ဗုဒ္ဓက သူများဘာသာမကောင်းကြောင်းမဟောပါဘူး။
အားလုံးငြိမ်းချမ်းပါစေ

ဤလာဘ်ရွှင်ဂါထာကို သီတဂူစတားဘလော့ http://www.sitagustar2020.net/2012/09/blog-post_9.html မှကူးယူပြီး ဓမ္မဒါနကုသိုလ်ပြုပါသည်။

ဆရာတော်ထံ ခွင့်ပြုချက်မတောင်းဘဲ ကူးယူဖော်ပြခဲ့သည့်အတွက် သည်းခံခွင့်လွတ်တော်မူနိုင်ပါရန် ဦးခိုက်လျှောက်ထားအပ်ပါသည်။

သမိုင်းဝင် လာဘ်ရွှင်ဂါထာတစ်ပုဒ်

စာမိတ်ဆက်
လောကလူသားတွေက ကိုယ်အပါဝင်ပေါ့ ခက်တော့ ခက်သားပဲ၊ လာဘ်ရဆိုရင် သိပ်စိတ်ဝင်စားကြတာ၊ ဗေဒင်မေးရင်တောင် လာဘ်ကောင်းလာဘ်မြတ်တွေ ၀င်ဖို့ ဘယ်တော့မှ မမေ့ကြပါဘူး၊ တနေ့က ဒကာမတစ်ယောက်က ဘုန်းဘုန်း “လလိတံ” ဆိုတဲ့ပုဒ်ကို ဘာသာပြန်ပေးပါဘုရားတဲ့၊ မြန်မာလို သိတော့ ပိုရွတ်လို့ကောင်းတာပေါ့ဘုရားတဲ့၊ ပါဠိပုဒ်တွေဆိုတာ ပုဒ်တစ်ပုဒ်တည်းနဲ့ အဓိပ္ပါယ်များစွာ ထွက်နေတာဆိုတော့ ဘယ်နေရာပါလဲဆိုတာ ၀ါကျလိုက် အပြည့်အစုံပေးပါဆိုတော့၊ တပည့်မထဲမှာ ပါမလာဘူးဘုရား နောက်မှ စာရွက်နဲ့ ရေးလာပါ့မယ်ဘုရားတဲ့။ စာရေးသူလဲ ဘယ်နေရာမှာ ဘယ်လိုအဓိပ္ပါယ်နဲ့ ဟောထားသလဲဆိုတာ သိချင်တာနဲ့ ပါဠိတော် အဋ္ဌကထာတွေထဲ မွှေနှောက် ရှာတယ်၊ ခေါင်းမူးနေအောင် ရှာတယ်၊ မတွေ့ဘူး၊ နောက်တော့ အင်တာနက်မှာ ၀င်ရှာလိုက်တော့ “လလိတံ” ပါတဲ့ ဆိုက်တွေ တန်းစီထွက်လာတယ်၊ အဲဒီအထဲကမှ ဆိုက်တစ်ဆိုက်ကို ဖွင့်လိုက်တော့ လာဘ်ရ ဂါထာဟု ယုံကြည်လက်ခံထားတဲ့ ဂါထာ တစ်ပုဒ်ထဲက ဖြစ်နေတာ တွေ့ရတယ်၊ ဒါနဲ့ အဲဒီ ဂါထာ အပြည့်အစုံကို ထိုမေးသော ဒကာမအား ပေးလိုက်တော့ “ဘုန်းဘုန်း အရမ်းတော်တယ်၊ တပည့်တော်မ သိချင်နေတာလဲ အဲဒီဂါထာပဲ ဘုရားတဲ့၊” တိုက်ဆိုင်သွားပြန်ပြီ။

စာရေးသူလဲ သူတို့လိုပဲ လာဘ်ရချင်ပုံပဲ၊ ဘာပဲဖြစ်ဖြစ် ဘုရားဂုဏ်တော်တွေကို ဖော်ထုတ်ထားတဲ့ ဘုရားရှိခိုး ဂါထာတစ်ပုဒ် ဖြစ်နေတော့ စာရေးသူ၏ ဆိုက်ထဲမှာလဲ မှတ်စုအနေနဲ့ ကျန်သွားအောင် ထိုဆိုက်ထဲကနေ ထိုဂါထာကို ကူးယူလိုက်သည်။ ထိုဆိုက်သည်လည်း မြတ်မင်္ဂလာ (၂၀၀၉-ခု ဇူလိုင်လ)ထုတ်မှ ဟု ဖော်ပြထားသည်။
(ဘုရားရှင်၏ဂုဏ်တော်များ အာရုံယူကာ ဂုဏ်တော်များကို ပွားများရန်၊ အမေရိကရှိ သီတဂူ ရွှေစည်းခုံစေတီတော်)

ဂါထာရဲ့ လာဘ်သမိုင်း
ထိုဆိုက်ထဲမှာပဲ ဒီဂါထာရဲ့ သမိုင်းကို ယခုလက်ရှိ နိုင်ငံတော် သံဃာ့မဟာနာယက ဥက္ကဋ္ဌဆရာတော် (ဗန်းမော်) ဘဒ္ဒန္တကုမာရာဘိဝံသက ပြောသည်ဟု ဆိုထားသည်။ တနေ့တော့ ရသေ့ကြီး ဦခန္တီ (ဦးခန္တီဆိုရင် လူတိုင်းက သိသည်) သည် ၀ါးချက်ကျေးရွာ မင်းကျောင်းဆရာတော်ကို လာဖူးသည်။ မင်းကျောင်းဆရာတော်သည် စစ်ကိုင်းတောင်ရိုး ပတ္တမြားစေတီတော်ကြီး၏ အရှေ့ဘက် လှေခါးခြေရင်းမှာ ရှိသော ၀ါးချက်ရွာတွင် ရှိသည်၊ စာရေးသူ မွေးရပ်ဇာတိနဲ့ ကပ်လျှက်ရွာဖြစ်သည်၊ ဧရာဝတီမြစ်နဘေးမှာ ရှိသဖြင့် လေကောင်း လေသန့်ရသည့်အပြင် တမျှော်တခေါ် ဧရာဝတီမြစ်ကြီးနဲ့ စိမ်းဆိုသော စိုက်ခင်းများကလဲ ကော်ဇောအစိမ်းကြီး ခင်းထားသလို ကြည့်ကောင်းသည်။ ထိုကျောင်းတွင် ပထမမင်းကျောင်းဆရာတော်သည် ဘုရင်ကိုးကွယ် ပုဂ္ဂိုလ်ထူးဖြစ်သည်၊ ရသေ့ကြီး ဦးခန္တီ လာရောက်ဖူးမျှော်ခဲ့သော ဒုတိယမင်းကျောင်းဆရာတော်သည်လည်း သီလ သမာဓိ ပညာဖြင့် ပြည့်စုံသည်ဟု ကျော်ကြားသည်။

ဆရာတော်ကြီးဆီ ရောက်လာသော ရသေ့ကြီးကို “ ရသေ့ကြီးက မြန်မာပြည်အနှံ့အပြားမှာ ဘုရား ကျောင်းကန်တွေ ဆောက်လုပ် လှူဒါန်းခြင်း၊ အပျက်အစီးများကို ပြုပြင်လှူဒါန်းခြင်းများ ပြုလုပ်နေသည်ဟု နာမည်ကျော်လှသည်၊ လာဘ်လာဘ ဘုန်းလဲ ကြီးသည်ဟုလဲ နာမည်ကျော်လှသည်။ ရသေ့ကြီး၏ အစွမ်းကြီးမှုကို ဘုန်းကြီး မြင်လိုလှသည်၊ ရသေ့ကြီးလဲ ကောင်းပါပြီဘုရား တပည့်တော်ကို တစ်နာရီခန့်သာ စောင့်ပေးပါဘုရားဟု ဆိုကာ ဘုရားရှေ့တွင် သီလဆောက်တည်ပြီး ဂါထာတစ်ပုဒ်ကို ရွတ်ပွားသည်၊ ၄၅ မိနစ်ခန့်မှာပဲ ရသေ့ကြီး အလုပ်ပြီးသွားသောအခါ ဆရာတော်ကြီးနား ပြန်ရောက်လာသည်။ ဆရာတော်ကြီးက ရသေ့ကြီး ဘာမှ မထူးသေးပါလားဟု မေးသောအခါ တစ်နာရီပြည့်ထိ စောင့်ပေးပါဘုရားဟု ဆိုသတဲ့၊ မကြာမီမှာပဲ ဘုရားဖူးများ ရောက်လာပြီး လက်ဝတ်ရတနာတွေ ချွတ်လှူသွားကြသတဲ့။

မင်းကျောင်းဆရာတော်သည်လည်း ထိုရသေ့ကြီးလိုပဲ လာဘ်ရစွမ်းလှသည်၊ အရှင်ဘုရားရဲ့ အစွမ်းကိုလဲ မြင်လိုလှပါတယ်ဘုရားဟု ရသေ့ကြီး လျှောက်ထားသောအခါ မင်းကျောင်းဆရာတော်ကြီးသည်လည်း ၄၅ မိနစ်ခန့် ဘုရားရှေ့မှောက်မှာ ဂါထာတစ်ပုဒ်ကို ရွတ်ပွားတော်မူသည်၊ မကြာမီမှာပဲ သင်္ကန်း အစုံ ၁၀၈ စုံနဲ့ လူ ၃ ယောက် ရောက်လာပြီး ဆရာတော်ကြီးကို လှူသွားသတဲ့။ ဤသို့အားဖြင့် အပြန်အလှန် လာဘ်ရအစွမ်းသတ္တိများ ပြပြီးသော အခါ အချင်းအချင်း ဆွေးနွေးကြသည်၊ ထိုသို့ဆွေးနွေးရာမှာ အစွမ်းသတ္တိနဲ့ပတ်သက်ပြီး ဘယ်ဂါထာကိုရွတ်ပွားကြသလဲလို့ အချင်းချင်း မေးသောအခါ တိုက်တိုက်ဆိုင်ဆိုင် နှစ်ဦးလုံးရွတ်ပွားသည့် ဂါထာသည် တစ်ပုဒ်တည်း အတူတူ ဖြစ်နေသည်၊ တိုက်ဆိုင်သည်လား စဉ်းစားစရာပင် ဖြစ်သည်။ ထိုသို့ ထူးခြားသော သမိုင်းဝင်ဂါထာကို မြန်မာပြန်နှင့် တွဲတင်ပေးလိုက်သည်။

တိုက်ဆိုင်လွန်းလှသည့် ထူးဆန်း ဂါထာ
အရဟံ ဗဟိအန္တဇယံ သုဂတံ၊
အမိတံ ၀ိရဇံ လလိတံ အတုလံ။
စရဏံ တိဘ၀ူပသမံ ယမကံ၊
သုခဒံ သရဏံ ပဏမာမိ ဇိနံ။

အနက်မြန်မာ
အရဟံ-ပူဇော်အထူးကို ခံယူတော်မူထိုက်သော မြတ်စွာဘုရား၊ ဗဟိအန္တဇယံ-အတွင်းအပ ရန်ကို အောင်တော်မူသော မြတ်စွာဘုရား။ သုဂတံ-ကောင်းသောစကားကို ဟောပြောတတ်သောမြတ်စွာဘုရား။
အမိတံ-မနှိုင်းယှဉ်နိုင်သည့် တန်ခိုးပြာဋိဟာနှင့် ပြည့်စုံတော်မူသော မြတ်စွာဘုရား။ ၀ိရဇံ-ကိလေသာမြူ ကင်းတော်မူသော မြတ်စွာဘုရား။ လလိတံ-တင့်တယ်သပ္ပါယ်တော်မူသော မြတ်စွာဘုရား။ အတုလံ-အတုမရှိသော မြတ်စွာဘုရား။ စရဏံ-အကျင့်စရဏနှင့် ပြည့်စုံတော်မူသော မြတ်စွာဘုရား။ တိဘ၀ူပသမံ-ဘုံသုံးပါး၌ ကိလေသာမြူ ငြိမ်းအေးတော်မူသော မြတ်စွာဘုရား။ ယမကံ-ရေမီးအစုံ တန်ခိုးပြာဋိဟာနှင့် ပြည့်စုံတော်မူသော မြတ်စွာဘုရား။ သုခဒံ-ချမ်းသာကို ပေးစွမ်းနိုင်သော မြတ်စွာဘုရား။ သရဏံ-ကိုးကွယ်အားထားရာဖြစ်သော မြတ်စွာဘုရား။ ဇိနံ-မာရ်ငါးပါးကို အောင်တော်မူသော မြတ်စွာဘုရားကို။ အဟံ- တပည့်တော်၊ တပည့်တော်မသည်။ ပဏမာမိ-ရှိခိုးပါ၏။

(သီတဂူကမ္ဘာ့ဗုဒ္ဓတက္ကသိုလ် (ရန်ကုန်) အတွင်းရှိ ရုပ်ပွားဆင်းတုတော်)

ဘုရားဂုဏ်၏ အစွမ်း
ဒီဂါထာမှာ ဘုရားရှင်၏ အရဟံ အစရှိသော ဂုဏ်တော် ၁၃ ခုကို သီကုံးဖွဲ့စည်းထားသည်၊ ဘုရားရှင်၏ ဂုဏ်တော်ကို လေးလေးနက်နက် အာရုံပြုနိုင်အောင် ရှိခိုးနိုင်အောင် ရှေးဆရာများ သီကုံးထားသည့် ဂါထာတစ်ပုဒ်ဖြစ်သည်။ တကယ်တော့ ဘုရားရှင်ကိုယ်တိုင်က ပါရမီတော်များတွင် ဒါနပရမတ္ထပါရမီတော်ကိုလည်း အထူး ဖြည့်လာခဲ့သည့် ဘုန်းရှင်ကံရှင် ဖြစ်ရကား ဘုန်းကံကြီးမားတော်မူသော ဘုရားရှင်၏ဂုဏ်တော် ပွားသူတိုင်း လိုအင်ဆန္ဒပြည့်ဝသည်၊ သို့သော်လည်း လာဘ်ရဖို့၊ အလိုဆန္ဒတစ်ခု ပြည့်ဝဖို့အတွက်နဲ့တော့ မရွတ်သင့်၊ တကယ့်ကို ရင်ထဲမှာ ဘုရားရှင်၏ ဂုဏ်တော်တွေကို တစ်ခုချင်းစီ အာရုံပြုပြီး ပွားများသင့်သည်၊ ပုတီးစိတ်လိုက စိတ်နိုင်သည်၊ ဘုရားရှိခိုးဂါထာဖြစ်သည်အတွက် အကြိမ်များစွာ ဘုရားရှိခိုးနိုင်သည်၊ စိတ်သည် ဘုရားရှင်၏တန်ခိုး အဖုံဖုံ ဂုဏ်တော်အမျိုးမျိုးတို့ဖြင့် ထုံမွမ်းလျှင် အစွမ်းသတ္တိရှိလာနိုင်သည်၊ ထိုသို့ပွားများသည့် အခါတိုင်းမှာ-

၁။ အကြိမ်များစွာ (စိရကာလ ဘာဝနာ) ပွားများပါ၊
၂။ နေ့စဉ်အဆက်မပြတ် (နိရန္တရ ဘာဝနာ) ပွားများပါ၊
၃။ အသေးအမွှားပဲဟု ချန်မထားဘဲ အကြွင်းအကျန်မရှိ အကုန် (နိရ၀သေသ ဘာဝနာ) ပွားများပါ၊
၎။ ရိုရိုသေသေ လေးလေးနက်နက် (သက္ကစ္စ ဘာဝနာ) ပွားများပါ၊
၅။ ပျော်ပျော်ရွှင်ရွှင် စိတ်စေတနာ ပါပါ (အဘိရတိ ဘာဝနာ) ပွားများပါ။

ဤ ငါးမျိုးသော ပွားများခြင်းနည်းစနစ်က ဘုရားလောင်း ပါရမီဖြည့်ခဲ့သော နည်းစနစ်ဖြစ်သည်၊ လောကုတ္တရာလိုင်းပဲ ဖြစ်ဖြစ် လောကီရေးရာပဲ ဖြစ်ဖြစ် ဘာပဲလုပ်လုပ် ထို နည်းငါးမျိုးနဲ့ အလုပ်လုပ်ပါက အောင်မြင်ပါလိမ့်မည်။ ဗုဒ္ဓဘာသာ ကလေးတစ်ယောက်က “နမော ဗုဒ္ဓဿ”ဟု ဆိုပြီးမှ ပေးဒိုးလိမ့်ကစားသတဲ့၊ ထိုသို့ ကစားတိုင်းလဲ သူပဲ အနိုင်ရသည်တဲ့၊ ဘုရားလက်ထက်က တကယ့်ဖြစ်ရက်မှန် ဇာတ်လမ်းတစ်ပုဒ် ဖြစ်သည်။

အပါဒါနပါဠိတော်-၁-နှာ-၇၆မှာ ဂါထာလေးတစ်ပုဒ်တွေ့တယ်၊ ဘာဝနာတွေထဲက အကောင်းဆုံး ဘာဝနာဖြစ်တဲ့ ဘုရားဂုဏ်တော်တွေကို ပွားများခြင်းဆိုတဲ့ ဘာဝနာ (ဗုဒ္ဓါနုဿတိ)ကို အထက်ပါနည်းစနစ်အတိုင်း ပွားများပါက လိုအင်ဆန္ဒပြည့်ပါလိမ့်မည်၊ လို-တ-ရ ဖြစ်ပါလိမ့်မည်။

ဘာဝေဟိ ဗုဒ္ဓါနုဿတိံ၊ ဘာဝနာနမနုတ္တရံ။
ဣမံ သတိံ ဘာဝယိတွာ၊ ပူရယိဿတိ မာနသံ။

ထို့ကြောင့် ဘုရားဂုဏ်တော်များကို ဘယ်ဂုဏ်တော်ပဲ ဖြစ်ဖြစ် ဘုရားဂုဏ်တော်နဲ့ပတ်သက်တဲ့ ဘယ်ဂါထာပဲ ဖြစ်ဖြစ် စွဲစွဲမြဲမြဲ နေ့စဉ် ရွတ်ပွား အာရုံပြုနေဖို့ပဲ ဖြစ်ပါသည်၊ အနဲဆုံး လက်တွေ့အနေနဲ့ စိတ်တည်ငြိမ်ပြီး စိတ်ချမ်းသာပါလိမ့်မည်။ ရချင်လိုချင်မှ ထပွားတာမျိုးကတော့ “အခု ရေတွင်းတူး အခု ရေသောက်” ဆိုတာလိုကတော့ ဘယ်ဖြစ်မလဲ၊ ဘာမှ ဖြစ်လာမှ မဟုတ်၊ ၀ိသာခါကျောင်းအမကြီးကတော့ ခလုပ်တိုက်မိတိုင်းတောင် “န မော တဿ ဘဂ၀တော” စသည်ဖြင့် ဘုရားကို ရှိခိုးပြီးသားဖြစ်သွားသည်၊ ဘုရားဂုဏ်တော်ကို အမြဲပွား အမြဲသတိရနေသူတို့၏ အကျင့်ဖြစ်သွားသည်။ ခလုပ်တိုက်မိမှ အမိတ ဆိုတာမျိုးမဖြစ်စေဘဲ နဂိုကထဲက ကိုယ့်သဒ္ဓါ ကိုယ့်စေတနာ အလျောက် ပွားများရမှာ ဖြစ်ပါသည်။ တချို့က အခုလုပ် အခုဖြစ်ဆိုတာမျိုးကိုပဲ လိုချင်သည်၊ အလိုကြီးသည် ဆိုရမည်။ ဘယ်အရာမှ လွယ်လွယ်နဲ့ ရသည်မရှိ။ ရသည့်အရာလဲ တန်ဖိုးရှိလိမ့်မည် မဟုတ်။

ကိုယ်စောင့်တရား လေးပါး
ဗုဒ္ဓဂုဏ်တော် (ဗုဒ္ဓါနုဿတိ) ကို မိမိကိုယ်ကို ကာကွယ်စောင့်ရှောက်တတ်သော ကိုယ်စောင့်တရားအနေနဲ့လဲ ပွားများဖို့ရန် ရှေးဆရာတို့ လက်ဆင့်ကမ်း မိန့်ခဲ့သည်။ ထို ကိုယ်စောင့်တရား လေးပါးကား
၁။ ဗုဒ္ဓါနုဿတိ=ဘုရားဂုဏ်တော်များကို အားရုံပြု ပွားများခြင်း
၂။ မေတ္တာဘာဝနာ= မေတ္တာ ပို့သခြင်း
၃။ အသုဘဘာဝနာ= လောဘ-မာန-ရာဂ ကင်းရေးအတွက် အသုဘပွားများခြင်း
၎။ မရဏဿတိ= သေခြင်းတရားကို အဖန်ဖန် အမှတ်ရခြင်းဖြင့် ဒေါသ-မာနစသည့် အကုသိုလ်စိတ်များကင်းခြင်း၊ ဘ၀အတွက် အဆင်သင့်ဖြစ်နေခြင်း စသည်အားဖြင့် ထိုတရား လေးပါးကို နေ့စဉ် ပွားများနေပါက မိမိအတွက် စိတ်ဓာတ်ကျခြင်း၊ စိတ်ပူပန်ရခြင်း စတဲ့ စိတ်ပိုင်းဆိုင်ရာ အန္တရာယ်တွေ အပြင် အခြားသော ဘေးဥပါဒ်တွေကို ငြိမ်းအေးစေနိုင်သည်။ ဗုဒ္ဓါနုဿတိသည် ကမ္မဋ္ဌာန်းတရား အားထုတ်သူတွေအတွက် အာရုံကောင်းတစ်ခုလဲ ဖြစ်သည်။ အပ္ပမာဒ (သတိ)အတွက် အကောင်းဆုံး တရားလဲဖြစ်သည်။

“ဘုရားဖက်တော့ အသက်ရှည်
တရားဖက်တော့ အမြတ်ပြေ
သံဃာဖက်တော့ အခက်ဝေ”တဲ့။

ဘုရာဖက်၍ အန္တရာယ်ကင်း ဘေးရှင်းကြပါစေ။
တရားဖက်၍ စိတ်ချမ်းသာ အမျက်ပြေကြပါစေ။
သံဃာဖက်၍ အခက်ဝေ တိုးတက် ကြီးပွားကြပါစေ။

လာဘ်ရွှင်ချင်သလား၊ အသက်ရှည်ချင်သလား၊ စိတ်ချမ်းသာချင်သလား၊ စိတ်အကြံတိုင်းအောင် မြင်ချင်သလား၊ ဘုရားဂုဏ်တော်များကို စွဲစွဲမြဲမြဲ ပွားများလေ။

ရွှင်လန်းချမ်းမြေ့ပါစေ
သီတဂူစတား
၂၉-၈-၂၀၁၂

ကိုငွေထွန်းကြီးကျန်းမာပါစေ။ အခုမှပဲ Blogသဘောကို အနည်းငယ်သဘောပေါက်တော့တယ်ဗျာ
ခင်မောင်ကျော်

မနာပဒါယီ အရှင်ဝိစိတ္တ(ဒိုက်ဦး) ကိုရီးယားဆရာတော် ရဲ့ အဆုံးအမကို မျှဝေလိုက်ပါတယ်

စကားလုံး

စကားလုံးတွေနောက်ကိုလိုက်ပြီး မခံစားပါနဲ့။ စကားလုံးဆိုတာ ပညတ်တွေဖြစ်တဲ့အတွက် 

ချစ်ရင်အကောင်းပြောကြမှာဖြစ်ပြီး မုန်းရင်တော့ အဆိုးဖြစ်ကြမှာပါ။

အားလုံးသောဓမ္မမိတ်ဆွေအပေါင်းတို့လည်း စကားလုံးနောက်ကိုမလိုက်မိကြစေနဲ့နော်၊ ကျွန်တော်လည်း စကားလုံးနောက်ကိုလိုက်မိတယ်ဆိုတာ ၀န်ခံပါတယ်။

ကိုရဲ (ရွှေတြိဂံ)

ဘာသာရေး

နေ့စဉ် ဘုရားရှိခိုး၊ ဗုဒ္ဓါနုဿတိဘာဝနာပွားများကြပါ။ ဒါန၊ သီလ၊ ဘာဝနာကို အတတ်နိုင်ဆုံးလုပ်ကြပါလို့ တိုက်တွန်းပါတယ်။ဆရာတော် အရှင်ဝိစိတ္တ(ဒိုက်ဦး) ကိုရီးယားဆရာတော်ရဲ့အဆုံးအမလေးကို လက်ဆင့် ကမ်းလိုက်ပါတယ်။
အကုသိုလ်မဖြစ်အောင်နေ
" တစ်နေ့တစ်နေ့ ကိုယ်တစ်ယောက်တည်းတောင် အကုသိုလ်တွေက မရေတွက်နိုင်အောင်ဖြစ်နေတာ၊
သူများကိုကြည့်ပြီး သူများကိုအမှီပြုပြီး အကုသိုလ်တွေထပ်ဖြစ်မယ်၊ အကုသိုလ်တွေထပ်တိုးနေမယ်ဆိုရင်တော့ နေရတဲ့အခိုက်ဟာ အကုသိုလ်တွေနဲ့ချည်း ဖြစ်နေကြတော့မှာပါ။" ဆိုတဲ့ဆုံးမစကားကို အမြဲနာယူနိုင်ကြပါစေ

ကိုရဲ (ရွှေတြိဂံ)

ဗုဒ္ဓဘုရားရှင်နှင့်တပေါင်းလ

၂၆-၃-၂၀၁၃

တပေါင်းလသည် မြန်မာလများတွင် ၁၂-လမြောက်ဖြစ်သည်။
တနှစ်တာ၏ နောက်ဆုံးလဖြစ်သည်။ တပေါင်းလ၏ ပထမလ၀က်သည်
ဆောင်းရာသီတွင် ကျရောက်သည်။ ဒုတိယလ၀က်ကား နွေရာသီတွင်
ကျရောက်သည်။

ဆောင်းကူးနွေစ သာယာလှသော လရာသီဖြစ်သည်။ ထို့ကြောင့်
ခေတ်အဆက်ဆက် စာဆိုတို့သည် တပေါင်းလ၏အလှကို
ရေးဖွဲကြသည်မှာ ယနေ့တိုင်ဖြစ်သည်။

ရှေးယခင်က တပါင်းလပွဲတော်သည် သဲပုံစေတီပွဲတော် ဖြစ်သည်။
သဲပုံစေတီပွဲတော်သည် ပုဂံခေတ် (သို့မဟုတ်) ပုဂံခေတ်မတိုင်မီကပင်
ပေါ်ပေါက်ခဲ့သည်ဟု အချို့က ဆိုကြသည်။ နောက်ပိုင်းတွင် သဲပုံစေတီ
ပွဲတော် ကျင်းပသည့်ဓလေ့ တဖြည်းဖြည်း မှေးမှိန်သွားသည်။

တပေါင်းလပြည့်နေ့တွင် ဘုရားပွဲတော်များ ကျင်းပသည့် ဓလေ့
ခေတ်စားလာခဲ့သည်။ ထိုသို့ ဘုရားပွဲတော် ကျင်းပခြင်းကိုပင်
တပေါင်းလပွဲတော်ဟု ခေါ်ကြသည်။

တပေါင်းလသည် ရာသီဥတု သာယာသည်နှင့်အမျှ သာသနာရေး
တွင်လည်း မှတ်တမ်းတင်သင့်သော ဖြစ်ရပ်ကြီးများ ပေါ်ထွန်းခဲ့သည်။
ဗုဒ္ဓဘုရားရှင်လက်ထက်တော်က ဘုရားရှင်သည် ရာဇဂြိုဟ်ပြည်
ဝေဠုန်ဝန်ကျောင်းတော်၌ သီတင်းသုံးကာ အင်္ဂတိုင်းနှင့် မဂဓတိုင်းမှ
ဒကာ ဒကာမများအား တရားရေအေးတိုက်ကျွေးလျက်ရှိသည်။
ထိုသတင်းကို ခမည်းတော် သုဒ္ဓေါဒနမင်းကြီး ကြားသိသောအခါ
သားတော်ဘုရားကို ဖူးတွေ့ချင်နေသည်။ ထို့ကြောင့် အမတ်
တယောက်အား အခြွေအရံတထောင်နှင့်အတူ စေလွှတ်၍ ပင့်ခိုင်း၏။
ထိုအမတ်သည် ဗုဒ္ဓထံ ရောက်လာရာမှ တရားတော်ကိုနာရ၍ အခြွေ
အရံတို့နှင့်အတူ ရဟန်းပြုသွားသည်။ သုဒ္ဓေါဒနမင်းကြီးထံ ဘုရားရှင်
ကြွရောက်တော်မူရန် မပင့်ဖြစ်ချေ။ မင်းကြီးလည်း နောက်ထပ်၍
အမတ်တို့ကို အခြွေအရံ တထောင်စီဖြင့် ကိုးကြိမ်တိုင်အောင်
စေလွှတ်ခဲ့သည်။ သို့သော် အားလုံး ရဟန်းပြု၍ နေကြပြန်သည်။

ဆယ်ကြိမ်မြောက်တွင်မူ ဗုဒ္ဓဘုရားရှင်နှင့် ဖွားဖက်တော်ဖြစ်သော
ကာဠုဒါယီအမတ်ကို စေလွှတ်သည်။ ကာဠုဒါယီအမတ်သည်လည်း
ရှေးကအမတ်များနှင့်နည်းတူပင် နောက်ပါများနှင့်တကွ ရဟန်း
ပြုပြန်သည်။ သို့ရာတွင် ခရီးလမ်းပန်းသာယာသော တပေါင်းလ
အချိန်သို့ ရောက်သောအခါတွင်ကား လမ်းခရီးသာယာပုံ တပေါင်း
အလှကို ဂါထာပေါင်း ၆၀-ဖြင့် ဖွဲ့နွဲ့ကာ ကပိလ၀တ်ပြည်သို့ ကြွပါမည့်
အကြောင်း ဘုရားရှင်အား လျှောက်ထားတောင်းပန်သည်။ ဗုဒ္ဓဘုရား
ရှင်လည်း လက်ခံကာ တပေါင်းလပြည့်နေ့၌ ကပိလ၀တ်ပြည်သို့
ကြွတော်မူခဲ့သည်။

ဘုရားရှင် ကပိလ၀တ်နေပြည်တော်သို့ ကြွတော်မူခြင်းကြောင့်
နိဂြောဓာရုံကျောင်းကြီး ပေါ်ပေါက်လာသည်။ ဂါထာ ၁၀၀၀-ဖြင့်
တန်ဆာဆင်အပ်သော ဝေဿန္တရာဇာတ်တော်ကြီးကို ဟောတော်
မူခဲ့သည်။ခမည်းတော် သုဒ္ဓေါဒနမင်းကြီးသည်လည်း မဟာဓမ္မပါလ
ဇာတ်တော်ကြီးကို ကြားနာရသဖြင့် အနာဂါမ် တည်ခဲ့သည်။ နောင်အခါ
အရဟတ္တဖိုလ် တည်သွားသည်။

ဗုဒ္ဓဘုရားရှင် ကပိလ၀တ်ပြည်သို့ ကြွရောက်တော်မူ၍ တရားဟော
တော်မူသဖြင့် မိထွေးတော်ဂေါတမီသည်လည်း သောတာပန်တည်သည်။
ယသော်ဓရာကို အကြောင်းပြု၍ စန္ဒကိန္နရီဇာတ်တော်ကိုလည်း
ဘုရားဟောောတ်မူခဲ့သည်။ ညီတော်နန္ဒမင်းသား ရဟန်းပြုဖြစ်သည်။
သားတော်ရာဟုလာ သာမဏေဘ၀သို့ ရောက်ရှိသည်။ သာကီဝင်
မင်းသားတထောင် ရဟန်းဘောင်သို့ ရောက်ရှိသည်။ ဆွေမျိုးတို့
ဘုရားရှင်ကို ကြည်ညိုစေရန် ဆောင်ရွက်ရာ၌ အထူးအောင်မြင်သဖြင့်
ကာဠုဒါယီမထေရ်အား ကုလပ္ပသာဒ ဧတဒဂ်ဘွဲ့ ချီးမြှင့်တော်မူခဲ့သည်။

တပေါင်းလပြည့်နေ့သည် ဘုရားရှင် ပြည်တော်ဝင်ရန် စတင်ကြွလှမ်း
သောနေ့ဖြစ်သဖြင့်လည်း ထိုနေ့ကို အကြောင်းပြု၍ သာသနာတော်၌
ထူးခြားသော ဖြစ်ရပ်ကြီးများ ပေါ်ထွန်းခဲ့သည်။

ထို့ပြင် မဟာသက္ကရာဇ် ၁၀၃-ခု တပေါင်းလပြည့် ဗုဒ္ဓဟူးနေ့တွင် သိကြားမင်း၊
ဥက္ကလာပမင်းကြီး တပုဿနှင့်ဘလ္လိက ကုန်သည်ညီနောင်တို့ကြီးမှူး၍
ရွှေတိဂုံစေတီတော်ကြီး တည်ထားခဲ့သည်ဟု သမိုင်းကဆိုသည်။
ဤကား တပေါင်းလကို အကြောင်းပြု၍ သာသနာတော်၌ ထူးခြားသော
မှတ်တိုင်ကြီးများ ပေါ်ထွန်းလာခဲ့ခြင်း ဖြစ်ပေသည်။

Young Buddhist's Association

တနိုင်ငံလုံးဆိုင်ရာပညာရေးမူဝါဒပြုပြင်ပြောင်းလဲရေးဆွေးနွေးမည်

Tuesday, March 26, 2013

တနိုင်ငံလုံးဆိုင်ရာ ပညာရေးမူဝါဒ ပြုပြင်ပြောင်းလဲရေး ဆွေးနွေးမည်


မန်မာနိုင်ငံလုံးဆိုင်ရာ ပညာရေး မူဝါဒ ပြုပြင်ပြောင်းလဲရေးအတွက်
ဆွေးနွေးပွဲတခုကို ယခုနှစ် ဇွန်လဆန်းတွင် ရန်ကုန်မြို့၌ ကျင်းပနိုင်
ရန် ဒေသအလိုက် ကော်မတီများ စတင်ဖွဲ့စည်း ဆောင်ရွက်နေပြီဖြစ်
ကြောင်း သိရသည်။

ပညာရေးမူဝါဒ ပြုပြင်ပြောင်းလဲရေးအတွက် အဓိက အနေဖြင့် ဆ
ရာ၊ ဆရာမများ၏ အရည်အသွေးများ ကို မြှင့်တင်ရန်နှင့် သင်ကြား
မှု နည်းစနစ်ကို ပြောင်းလဲရန် လိုအပ်ကြောင်း Thinking Classroom Foundation မှ ဆရာမ အစိုင်းက လားရှိုးမြို့ ရှမ်းစာပေနှင့် ယဉ်ကျေး
မှု ခန်းမတွင် ကျင်းပသည့် အဆိုပါ ပညာရေးမူဝါဒ ပြုပြင်ပြောင်းလဲ
ရေး ကော်မတီဖွဲ့စည်းသည့် အခမ်းအနားတွင် ဧရာဝတီသို့ ပြောကြား ခဲ့သည်။

ကချင်၊ ကရင်၊ ကရင်နီ၊ ချင်း၊ မွန်၊ ရခိုင်၊ ရှမ်း အစရှိသည့် တိုင်းရင်းသားဒေ
သများ၊ အထက်မြန်မာပြည်၊ မြေလတ်၊ အောက်မြန်မာပြည်၊ မြစ်ဝကျွန်းပေါ်၊ တနင်္သာရီ အစရှိသည့် ဒေသ အသီးသီးတွင် ပညာရေးမူဝါဒ ပြုပြင်ပြောင်း
လဲရေး ကော်မတီများ အသီးသီး ဖွဲ့စည်းပြီးနောက်တွင် ဇွန်လ၌ ရန်ကုန်တွင်
ဆွေးနွေး ညှိနှိုင်းသွားရန်ရှိကြောင်း သိရသည်။

“နိုင်ငံတနိုင်ငံ ပြုပြင်ပြောင်းလဲချိန်မှာ ပညာရေးက မဖြစ်မနေ ပြုပြင်ဖို့ လိုအပ်ပါတယ်။ အခုဆိုရင် ကျောင်းသားတွေ၊ ဆရာတွေရဲ့ အရည်အ
သွေးက သူများနိုင်ငံနဲ့ယှဉ်ရင် အရမ်းကို ကျဆင်းနေပါတယ်။ ပညာရေး
အတွက်သုံးစွဲတဲ့ ဘတ်ဂျက်ကလည်း အရမ်းနည်းတယ်” ဟု ဆရာမ အစိုင်းက ပြောသည်။

ပညာရေးပြုပြင်ပြောင်းလဲမှုကို လျင်မြန်စွာ လုပ်ဆောင်သင့်ကြောင်း၊ ယခုကော်မတီဖွဲ့ရာတွင် ၅၀ ရာခိုင်နှုန်းခန့် အောင်မြင်မှု ရရှိနေကြောင်း၊ လက်ရှိအခြေအနေတွင် ကျောင်းဆရာ၊ ဆရာမများကို သင်တန်းများ
ပေးနေကြောင်း၊ သူများနိုင်ငံနှင့် တန်းတူ ရင်ဘောင်တန်းနိုင်စေရန် သွားရမည့် အခြေအနေဖြစ်နေသဖြင့် ပညာရေးကို ပိုမိုတိုးမြှင့် လုပ်
ဆောင်ရန် လိုအပ်ကြောင်း ၎င်း က ရှင်းပြသည်။

“ပညာရေးမူဝါဒ ပြုပြင်ပြောင်းလဲတဲ့နေရာမှာ သင်ရိုးညွှန်းတမ်းကို ပြုပြင်ဖို့
ဆိုတာ မလွယ်ဘူး။ ဒါကြောင့် သင်နည်းကိုပဲ ဆရာတွေက ပြောင်းမယ်ဆို
ရင် ပိုကောင်းတယ်။ ဆရာတွေအနေနဲ့ သူတို့ရဲ့ သင်ကြားနည်းကို အရင်ဆုံး
ပြုပြင်ဖို့ လိုအပ်ပါတယ်” ဟု လားရှိုးမြို့ရှိ အဆိုပါ ကော်မတီ၏ ဆွေးနွေးပွဲကို တက်ရောက်လာသည့် တောင်ကြီး တက္ကသိုလ် ပထ၀ီဝင်ဌာနမှ ပါမောက္ခ ဌာနမှူး (အငြိမ်းစား) ဒေါ်နန်းဗိုခမ်းက ဧရာဝတီသို့ ပြောသည်။

ကျောင်းသားများအား သင်ခန်းစာကို နားလည်အောင်မရှင်းပြဘဲ အလွတ်
ကျက်ရန်စေခိုင်းပြီး ဆရာ ဗဟိုပြုစနစ်ဖြင့် သင်ကြားခဲ့သည့် အတွက်ကျာင်း
သားများ၏ ပညာရေးအရည်အချင်း ကျဆင်းလာခြင်းဖြစ်ကြောင်းနှင့် ကျောင်း
သား ဗဟိုပြု စနစ်ဖြင့် ကျောင်းသားများကို နားလည်လာအောင်ရှင်းပြပြီး သင်
ကြားရန် ပညာရေးဝန်ကြီးဌာနက ပြုလုပ်နေကြောင်း၊ ထိုသို့ပြောင်းလဲမှုများ ရှိလာမည်ဆိုပါက မြန်မာ့ပညာရေးသည် တိုးတက်လာနိုင်ကြောင်း ၎င်းက ဆိုသည်။

ဆက်လက်ပြီး ဒေါ်နန်းဗိုခမ်းက “ပညာရေး ၀န်ကြီးကတော့ တက္ကသိုလ်က တိုင်းရင်းသားဆရာတွေ ကိုခေါ်ပြီး မူလတန်း မြန်မာဖတ်စာကို တိုင်းရင်း
သား ဘာသာပြန်ခိုင်းပြီး သင်ဖို့လုပ်သေးတယ်။ အဲဒီဟာ လုံးဝ မဖြစ်နိုင်ဘူး။

ဒါကြောင့် တိုင်းရင်းသားတွေ အရင်က သင်နေတဲ့ စာအုပ်ကိုပဲ ၀န်ကြီးဌာနကို တင်ပြထားတယ်။ ကျောင်းပြင်ပမှာ သင်ရမယ် ဆိုရင်လည်း ကျောင်းသား
တွေ အခက်အခဲ ဖြစ်နိုင်ပါတယ်” ဟု ပြောသည်။

ပညာရေး မူဝါဒ ပြုပြင်ပြောင်းလဲဆိုင်ရာ တနိုင်ငံလုံးကွန်ယက် (NNER)
၏ ပထမအကြိမ် ဆွေးနွေးချက်ကို လွှတ်တော်မှ ထောက်ခံထားပြီး လွှတ်တော်ပညာရေး မြှင့်တင်မှုကော်မတီနှင့် ဆွေးနွေးရန်လည်း အစီအစဉ်ရှိကြောင်း၊ မူဝါဒ ပြောင်းလဲမှုတွင် သင်ကြားရေးနှင့် သင်
ယူမှု အခန်းကဏ္ဍ အားလုံး ပါဝင်ကြောင်း၊ ပညာရေး ဘတ်ဂျက်ကို တိုးမြှင့်ပေးသင့်ကာ ပညာရေးဝန်ထမ်းများ ကိုလည်း လစာပိုတိုးမြှင့်
ပေးသင့်ကြောင်း အဆိုပါ ကော်မတီတွင် ပါဝင်သည့် ၈၈ မျိုးဆက်
ကျောင်းသားတဦးဖြစ်သူ ငြိမ်းချမ်းရေးနှင့် ပွင့်လင်းလူ့အဖွဲ့အစည်း
မှ ကိုရဲဝင်းက ရှင်းပြသည်။

“ကျနော်က မသန်စွမ်းတဲ့ လူတယောက်ဆိုတော့ ပုဂ္ဂိုလ်ရေးအရ ပညာရေးမူဝါဒမှာ ပြည်နယ်နဲ့ တိုင်းတခုချင်းစီ အတွက် မသန်စွမ်း တကျောင်းဖွင့်ပေးဖို့ ဖြစ်စေချင်ပါတယ်။

မူဝါဒ ပြောင်းလဲမှုအတွက် ဆွေးနွေးပွဲတရပ် အမြန်ဖြစ်လာဖို့ စည်းရုံး လှုံ့ဆော်နေပါတယ်” ဟု ၎င်းက ပြောသည်။

နိုင်ငံတော်၏ ပြောင်းလဲလာသည့် မူဝါဒ အရ ယခုအခါ ခရိုင်ဒေသ အားလုံး
တွင် ပညာရေး၊ စီးပွားရေးနှင့် လူမှုရေး ဖွံ့ဖြိုးမှုအတွက် ဒေသတွင်း ကိုယ်နည်း
ကိုယ့်ဟန်ဖြင့် လုပ်ဆောင်သွားရန် ရှိကြောင်း၊ ပုဂ္ဂလိကများနှင့် ချိတ်ဆက် လုပ်သွားခွင့်လည်း ပြုထားကြောင်း၊ လားရှိုးမြို့တွင် ပထမဆုံးအကြိမ်အဖြစ်
ပြည်ပ တက္ကသိုလ်များနှင့် ချိတ်ဆက်ကာ နိုင်ငံတကာ သင်ရိုးညွှန်းတမ်း
များကိုလည်း ထည့်သွင်း သင်ကြားသွားမည်ဖြစ်ကြောင်း သိရသည်။

အဆိုပါ ကိစ္စနှင့်ပတ်သတ်၍ နိုင်ငံတကာပညာရေး အတိုင်ပင်ခံ ဖြစ်သူ လားရှိုးမြို့ အမှတ် ၄ အထက်တန်းကျောင်းမှ ဆရာ ဦးဗိုလ်ဗိုလ်အောင်က “ပြည်ပ သင်ရိုးညွှန်းတမ်းကို စင်ကာပူနိုင်ငံက ရေးဆွဲပေးတာပါ။

ဒီနှစ်တော့ ၅ တန်းမှာပဲစသင်မှာပါ။ ဒီသင်ရိုးညွှန်းတမ်းကို သင်ရင်တော့ ကလေးတွေ အလွတ်ကျက်တာ ပျောက်သွားမယ်။ ဆရာတွေလည်း အရည်အသွေး မြင့်လာမယ်။ ပြည်တွင်းဆရာတွေပဲ သင်ကြားမှာပါ” ဟု ပြောသည်။

ထိုသင်ရိုးညွှန်းတမ်းဖြင့် သင်ကြားရန်အတွက် ဆရာ၊ ဆရာမများကို ပြည်ပ ဆရာများဖြင့် သင်တန်းပေးနေကြောင်း၊ ယခုနှစ်တွင် ၅ တန်း တတန်းတွင်
သာထည့်သွင်းသင်ကြားပြီး နောက်နှစ်တွင် အတန်းအလိုက် ထည့်သွင်း သွားမည်ဖြစ်ကြောင်း သိရသည်။

မြန်မာနိုင်ငံတွင် အလွတ်ကျက် ပညာရေးစနစ်ကို နှစ်ပေါင်း ၅၀ ခန့် အသုံးပြုခဲ့ပြီး ယင်းစနစ်ကြောင့် တိုင်းပြည် အကျိုးမရှိ ဖြစ်ခဲ့ရကြောင်း၊ တိုင်းပြည်သည် စနစ်ကြောင့် ဆင်းရဲခဲ့ရခြင်းဖြစ်ပြီး နိုင်ငံပြန်လည် ထူထောင်ရေး အတွက် ပြည်သူများ ပညာတတ်ရန် အရေးကြီးကြောင်း၊ မှန်ကန်သော ပညာရေး စနစ်ရှိမှသာလျှင် တိုင်းပြည် အနာဂတ် စိတ်ချရမည်ဖြစ်ကြောင်း ရန်ကုန် ပြည်သူ့ရင်ပြင်တွင်ကျင်းပသည့် အမျိုးသားဒီမိုကရေစီ အဖွဲ့ချုပ် (NLD) ပညာရေးကွန်ရက် ၂ နှစ်ပြည့်
အခမဲ့ ပညာဒါန ကျောင်းများ ရန်ပုံငွေရှာဖွေရေး ဂီတ ပွဲတော် ဖွင့်ပွဲ
တွင် NLD ဥက္ကဋ္ဌ ဒေါ်အောင်ဆန်းစုကြည်က ထောက်ပြပြောဆိုခဲ့
သည်။

လားရှိုးမြို့တွင် ပညာရေးပြုပြင်ပြောင်းလဲရေး ကော်မတီဖွဲ့စည်းပြီး ဆွေးနွေး
နေစဉ်
(ဓာတ်ပုံ – နန်းဆိုင်နွမ် )
ဧရာဝတီ

ပုဂ္ဂလိကသတင်းစာ ၈ စောင်ထပ်မံခွင့်ပြု

နေ့စဉ် သတင်းစာ ၈ စောင် ထပ်မံခွင့်ပြု၊ ယှဉ်ပြိုင်မှုနှင့် စိန်ခေါ်မှု များမည်
Tuesday, March 26, 2013

ချင်းမိုင်(မဇ္စျိမ)။ ။ ပုဂ္ဂလိက နေ့စဉ် သတင်းစာ ထုတ်ဝေရန် လျှောက်ထား
သူများ အနက်မှ ဒုတိယ အသုတ်အဖြစ် နောက်ထပ် ၈ စောင်ကို ထပ်မံ
ခွင့်ပြုလိုက်ကြောင်း ပြန်ကြားရေးဝန်ကြီးဌာနက ထုတ်ပြန်ကြေညာသည်။

ပုံနှိပ်သူများ၊ ထုတ်ဝေသူများ မှတ်ပုံတင်နှင့် ဖြန့်ချိရေးလုပ်ငန်းများ ကြီးကြပ်မှု ဗဟိုအဖွဲ့၏ မတ်လ ၂၅ ရက်နေ့က စိစစ်ဆုံးဖြတ်ချက်အရ ဒေါ်အောင်ဆန်း
စုကြည် လျှောက်ထားသော ဒီလှိုင်း သတင်းစာအပြင် အခြား ၇ စောင်ကို ဧပြီလ ၁ ရက်နေ့မှ စတင်၍ ယာယီ ထုတ်ဝေခွင့်ပြုလိုက်ခြင်း ဖြစ်သည်။

ထိုအထဲတွင် The Daily Eleven ၊ စံတော်ချိန်၊ ခေတ်သစ်နေ့စဉ်၊ ရန်ကုန်တိုင်း(မ်)၊ မြန်မာဓိက၊ ပြည်ထောင်စု အသံနှင့် ၇ ရက် နေ့
စဉ် သတင်းစာတို့ ပါဝင်သည်။

“သတင်းစာ ထုတ်မယ်ဆိုပြီး လူတွေက အိပ်မက်မက်ပြီး ဂျာနယ်တွေ ထွက်ကြတယ်။ ခု တကယ် ထုတ်ဝေခွင့် ရပြီဆိုတော့ ကျနော်တို့က
ပြင်ဆင်ရတော့မှာ။ ယှဉ်ပြိုင်မှုလည်း အရမ်းများမယ့် အနေအထားမှာ ရှိတယ်။ တဖက်မှာလည်း ဈေးကွက် ကြီးကြီးမားမား ကျယ်ပြန့်လာမယ့် အနေအထား မရှိဘူး။

အဲဒီတော့ စိန်ခေါ်မှုတွေ အများကြီး ဖြတ်သန်းရမှာတော့ ရှိတယ်” ဟု ရန်ကုန်တိုင်းမ် နေ့စဉ်သတင်းစာ၏ ထုတ်ဝေသူ ဦးကိုကို(စက်မှု)က
ပြောသည်။

ရန်ကုန်တိုင်းမ် နေ့စဉ်သတင်းစာ ထုတ်ဝေရေး ပြင်ဆင်ရန်အတွက် အချိန်အနည်းငယ် ယူရမည်ဖြစ်ပြီး ဇွန်လတွင် စတင်ထုတ်ဝေနိုင်မည်
ဟု ၎င်းက မဇ္စျိမကို ပြောသည်။

ဖေဖော်ဝါရီလ ၁ ရက်နေ့မှ စတင်၍ နေ့စဉ်သတင်းစာများ ထုတ်ဝေရန်
လျှောက်ထားမှုများကို လက်ခံခဲ့ရာ ပထမအသုတ်အဖြစ် နေ့စဉ်သတင်း
စာ ၈ စောင်ကို မတ်လ ၁ ရက်နေ့က ခွင့်ပြုထားပြီး ဖြစ်၍ ယနေ့ထိ စုစု
ပေါင်း ၁၆ စောင်ကို ပုဂ္ဂလိကပိုင် နေ့စဉ်သတင်းစာများအဖြစ် ယာယီ ထုတ်ဝေခွင့် ပေးလိုက်ခြင်း ဖြစ်သည်။

၎င်းတို့ကို တည်ဆဲဥပဒေ ဖြစ်သည့် ၁၉၆၂ ခုနှစ်၊ ပုံနှိပ်သူများနှင့် ထုတ်ဝေသူများ မှတ်ပုံတင်ဥပဒေ ပုဒ်မ ၈(၁) အရ ယာယီခွင့်ပြု
လိုက်ခြင်း ဖြစ်ပြီး မီဒီယာဥပဒေ မပေါ်သေးသဖြင့် ထုတ်ဝေသူများ
အတွက် အကြပ်အတည်း ရှိလာနိုင်သော်လည်း နားလည်မှုဖြင့် ထုတ်ဝေနိုင်မည်ဟု ဦးကိုကို(စက်မှု)က မျှော်လင့်ထားသည်။

“၁၉၆၂ ဥပဒေအရ ထိထိရောက်ရောက် အရေးယူမယ်၊ ဥပဒေမှာ ပါတဲ့အတိုင်း သုံးမယ် ဆိုရင်တော့ ကျနော်တို့မှာ ရှောင်ရ၊ ပြုရမှာ နည်းနည်းတော့ များမှာပေါ့။ လုပ်ရကိုင်ရမှာတော့ နည်းနည်းတော့
ကြပ်မယ်။ ဒါပေမယ့် ၁၉၆၂ ဥပဒေ ရှိပေမယ့် သက်ဆိုင်ရာက တိတိ
ကျကျ လုပ်လိမ့်မယ်လို့ မထင်ဘူး။ ဘာလို့လဲဆိုတော့ စာပေစိစစ်
ရေး မရှိတော့ဘူးဆိုတော့ နည်းနည်းတော့ နားလည်မှုနဲ့ သွားမယ်လို့ ထင်ပါတယ်” ဟု မဇ္စျိမကို ပြောသည်။

စစ်ဆေးဆဲ ၃ စောင်နှင့် ထပ်မံလျှောက်ထားမည့် လျှောက်လွှာများကိုလည်း ဧပြီလတွင် ဆုံးဖြတ်မည်ဟု ယနေ့ မတ်လ ၂၆ ရက်နေနေ့ထုတ် နိုင်ငံပိုင် သတင်းစာများ၌ ဖော်ပြပါရှိသည်။

မဇ္ဈိမ အပါအဝင် မတ်လဆန်းက ကနဦး ခွင့်ပြုလိုက်သည့် သတင်းစာ ၈ စောင်တွင် ခေတ်မိုး၊ ပြည်ထောင်စုနေ့စဉ်၊ ရွှေနိုင်ငံသစ်၊ အင်ပါယာ၊
The Messenger ၊ မြန်မာနယူးစ်ဝိခ်၊ နောက်ဆုံးရနေ့စဉ်သတင်းစာ တို့ ပါဝင်သည်။

မဇ္ဇိုမ

ဗုဒ္ဓဘာသာကိုကမ္ဘာ့အကောင်းဆုံးဘာသာအဖြစ်ရွေးချယ်ခံရ

၂၆-၃-၂၀၁၃

ဗုဒ္ဓဘာသာကို " ကမ္ဘာ့ အကောင်းဆုံးဘာသာရေးဆု " မဲပေးရွေးချယ်တာနဲ့ ပတ်သက်ပြီး အိုင်စီအေအာရ်ယူအက်စ် ညွှန်ကြားရေးမှုး " ဟန်.စ် ဂရိုလီချင် " ရဲ့ မှတ်ချက်ကတော့ ........"..စိတ်ဝင်စားစရာ ကောင်းတာက ရွေးချယ်ရမယ့် စံသတ်မှတ်ချက်များ ချပြလိုက်တာနဲ့ ဘာသာရေး ခေါင်းဆောင် အများအပြားဟာ မိမိတို့ ရဲ့ ဘာသာကို မရွေးချယ်ပဲ ဗုဒ္ဓဘာသာကိုသာ ရွေးချယ်ကြခြင်းပါပဲ ။ဗုဒ္ဓဘာသာ ဦးရေ အနည်းငယ်သာ ပါရှိတဲ့ ဒီအဖွဲ့ အစည်းက ဒီဆုကို ရတယ်ဆိုတာ အလွန်စိတ်ဝင်စားဖွယ် ၊ ရင်ခုန်ဖွယ်ကောင်းလှပါတယ် ။ ".......တဲ့ ။ အိုင်စီအေ အာရ်ယူအက်စ် အဖွဲ့ ရဲ့ သုတေသန ညွှန်ကြားရေးမှုး " ဂျွန်နာဟာတ် ( Joona Hult )" က ပြောတာကတော့ ....."..ဗုဒ္ဓဘာသာက ကမ္ဘာမှာ အကောင်းဆုံးဆုရတာဟာ ဆန်းတော့ မဆန်းပါဘူး ၊ ဘာကြောင့်လဲဆိုရင် ဗုဒ္ဓဘာသာအမည်နဲ့ တိုက်ခိုက်ခဲ့တဲ့ စစ်ရယ်လို့  ဘယ်လို သာဓက တစ်ခုမှ ရှာမရနိုင်ခြင်းကြောင့်ပါ ၊ စစ်ထဲ လိုက်ဖူးတဲ့ ဗုဒ္ဓဘာသာဝင် ဘုန်းကြီး တစ်ပါးပါးကို တွေ့ ရဖို့ ဆိုတာ ရှာမှရှားပါပဲ ။ဗုဒ္ဓဘာသာဝင်တွေဟာယှဉ်လို့ မရလောက်အောင်ပဲ သူတို့ ပြောတဲ့ ဟောတဲ့အတိုင်း ကျင့်ကြံနေထိုင်ကြသူတွေ ဖြစ်ကြပါတယ် ."..........တဲ့ ။ ဒီဆုရွေးချယ်ရတာနဲ့  ပတ်သက်လို့  ဘဲလ်ဖတ်စ်မြို့ က ကက်သလစ် ဘုန်းတော်ကြီး " တက်အိုရှောင်နတ်ဆီ " ပြောတာကတော့ ......".ကျွန်တော်က ကက်သလစ် ဂုဏ်းတော်ကို ချစ်ကြည်ညိုပါတယ် ။ ဒါပေမယ့် ကျမ်းစာထဲမှာ မေတ္တာ ထားကြဖို့ ဟောကြားပြီး တခြားလူတွေကို သတ်ဖို့ ကျတော့ အလိုတော်အတိုင်း ပြုရတယ် ဆိုတာမျိုးကတော့ ကျွန်တော့်ကို အမြဲပဲ အလွန် စိတ်ရှုပ်စေပါတယ် ။ ဒါကြောင့်လည်း ကျွန်တော်က ဗုဒ္ဓဘာသာအတွက် ကျွန်တော့မဲကို ပေးခဲ့တာပါ ။"......တဲ့ ။ ပါကစ္စတန်က ဘာသာရေးဆရာ " တာလ်ဘင်ဝါဆတ် " ကလည်း ......".ဒေါသ အမျက်တွေနဲ့  သွေးထွက် သံယို ဖြစ်မှုတွေအတွက် ဗုဒ္ဓဘာသာက အဖြေ ရှာပြီးသားဖြစ်တယ် " .........လို့ မှတ်ချက်ပေးပါတယ် ....။ ဂျေရုဆလင်က ဂျူး ဓမ္မဆရာ " ရှမြူယယ်ဝပ်ဆာစတိန်း" ကလည်း ......."ပွင့်ပွင့်လင်းလင်း ၀န်ခံပြောရမယ်ဆိုရင် ကျွန်တော်ဟာ ကျွန်တော် ကိုးကွယ်တဲ့ ဘာသာအရ ၀တ်ပြုဆုတောင်း မပြုမီမှာ နေ့ တိုင်း ၀ိပဿနာကမ္မဌာန်းထိုင်လာတာ ၁၉၉၃ ကတည်းကပါ ။ ဒါကြောင့် ဗုဒ္ဓဘာသာကို ကျွန်တော် နားလည်ပါတယ် ။".........တဲ့ ။.....ဒါတွေကို အထောက်အကူ သာဓက ပြုနေရတာကတော့ ဗုဒ္ဓဘာသာဟာ ကမ္ဘာကြီး ပျက်သုဉ်းရေးကို ဦးတည်နေတဲ့ ဘာသာရေး မဟုတ်ဘူး ၊ စစ်ပွဲတွေ ၊ သွေးထွက်သံယိုမှုတွေ ကင်းပြီး ငြိမ်းချမ်းမှုကို ကိုယ်သိမျက်မှောက် ခံစားနိုင်ရေးဆီ ဦးတည်နေတဲ့ ဘာသာ ဖြစ်တယ်ဆိုတာ အခြားဘာသာဝင်ကြီးတွေကတောင် အသိအမှတ်ပြုထားတယ်ဆိုတာ သဘောပေါက်စေဖို့ ပါ ။ ( မူရင်းကို အပြည့်အစုံ ကြည့် လိုတယ် ဆိုရင်တော့ ( WWW.sikhpilosophy.net/ ) မှာ အမြဲ လွှင့်တင်ထားပါတယ် ) ....။( ဓမ္မဘေရီ အရှင်ဝီရိယ -တောင်စွန်း )

Myanmar News Update's photo. ၏ facebook စာမျက်နှာမှတဆင့်ပြန်လည်မျှဝေပါသည်။

မရမ်းကုန်း မြို့နယ်တွင် အိမ်ပေါ်တက်ပြီး လူများအား ဓားမနှင့် လိုက်ခုတ်သူအား အမှုဖွင့်

23-3-2013

Popular Myanmar News Journal

မတ်လ ၂၁ ရက်နေ့ ည ၈ နာရီ ၀န်းကျင်ခန့်က မရမ်းကုန်းမြို့နယ် အတွင်း ဖြစ်ပွားခဲ့သည့် အမှုအပေါ် တ ရား ခံ အား ရဲက ပုဒ်မ (၄၅၈) လုယက်မှုဖြင့် အမှုဖွင့်လိုက်ပြီဟု ရန်ကုန် တိုင်းဒေသကြီးရဲတပ်ဖွဲ့ က ပြောဆို လိုက်သည်။

ရွှေနှင်းဆီကန်လမ်း ၅ ရပ်ကွက် မ/၃၀၃ D ၌ အိမ်ရှင်များဖြစ်သည့် အသက် ၄၀ အရွယ် နှင့် ၄၁ နှစ်အရွယ် ရှိ အမျိုးသမီး ၂ ဦးအပါအ၀င် အသက် ၁၁ နှစ်နှင့် ၇ နှစ်အရွယ်ရှိ ကလေးငယ် ၂ဦးအား ပစ္စည်းခိုးယူရန် နေ အိမ် အတွင်းသို့ ၀င်ရောက်ခဲ့သူက ဓားဖြင့် ခုတ်မှုကြောင့် ဒဏ်ရာများ ရရှိ၍ မြောက်ဥက္ကလာပ ဆေးရုံ ကြီး သို့ အရေးပေါ် တင်ခဲ့ရမှုအပေါ် ထိုသို့အမှုဖွင့်လိုက်ခြင်း ဖြစ်သည်ဟု အထက်ပါတပ်ဖွဲ့က ပြောသည်။

အမှုဖွင့်တိုင်တန်းမှုအား မရမ်းကုန်း ရဲစခန်းက ပ ၁၄၅/၁၃ ဖြင့် လက်ခံ၍ ဆောင်ရွက်ပေးပြီး အမှုစစ်ကို ဒုရဲ အုပ် မြင့်ဇော်ဦးက လုပ်ဆောင်မည်ဟု ရဲမှတ်တမ်းများအရ သိရသည်။

ဖြစ်စဉ်အရ ဓားဖြင့်အခုတ်ခံရသောသူ ၄ ဦးတို့မှာ အခုတ်မခံ ရခင် နေအိမ်မြေညီထပ် ထမင်းစားခန်း၌ တီဗီ ကြည့်နေခဲ့ကြောင်း၊ ထိုမှတစ်ဆင့် ထမင်းစားရန် ဒေါ်........က မီးဖိုချောင်ထဲသို့ ၀င်သွားစဉ် ထိုမီးဖိုေ ချာင်ထဲ၌ ရောက်ရှိနေသည့် အသက် ၂၀ ကျော်အရွယ် အမည်မသိအမျိုးသားတစ်ဦးက အရိုးအသွား ၁၀ လက် မခန့်ရှိ သစ်သားရိုးတပ် ဓားမဖြင့် စတင်ခုတ်လိုက်ခြင်းဖြစ်ကြောင်း သိရသည်။ အခုတ်ခံရမှုကြောင့် ဒေါ်........မှာ ယာလက်မောင်း ပြတ်ရှ၊ ၀ဲ/ယာ လက်ဖ၀ါးပြတ်ရှ၊ ၀ဲလက်ဖျံ ပြတ်ရှ ဒဏ်ရာများ ရရှိ ခဲ့ကြောင်း၊ အဆိုပါ အမျိုးသားက ထမင်းစားခန်းဝင်ရောက်ပြီး တီဗီကြည့်နေသူ ၃ ဦးအား ဓားမဖြင့် ဆက် လက် ခုတ်နေစဉ် ပထမဦးဆုံး အခုတ်ခံရသူက နေအိမ် အပြင်ဘက်သို့ အော်ဟစ်အကူအညီ တောင်းခံ ခဲ့ကြောင်း၊ အော်သံကြောင့် အိမ်အပေါ်ထပ်၌ စာကျက်နေသူ မောင်.....က ပြေးဆင်းလာရာ ဓားကိုင် ၀င်ေ ရာက် ခုတ်သူက ခြံစည်းရိုး အုတ်တံတိုင်းကို ကျော်၍ ထွက်ပြေးသွားသည်ဟု ထွက်ဆိုချက်များအရ သိရ သည်။

အမှုဖွင့်တိုင်တန်းသူတို့၏ ထွက်ဆိုချက်အရ အမည်မသိတရားခံမှာ မျက်နှာသွယ် ဆံပင်နက်ကာ ဘိုကေ ညှပ် ထားကြောင်း၊ အရပ်မှာ ၅ ပေ ၃ လက်မခန့်ရှိပြီး ခန္ဓာကိုယ်သွယ်ကာ စွပ်ကျယ်ဖြူ ဘောင်းဘီတို ၀တ် ထားကြောင်း သိရသည်။ အဆိုပါ တရားခံကို ရဲတပ်ဖွဲ့က စုံစမ်းဆဲဖြစ်ပြီး ဖမ်းဆီးရမိရေးကို ဆက်လ က်ဆောင်ရွက်နေကြောင်း ယနေ့ မနက်ပိုင်းက ပေါ်ပြူလာနယူးစ်မှ မေးမြန်းမှုအပေါ် ဖြေသည်။

PN 051

 

oppositeyes တဆင့် မှပြန်လည်မျှဝေပါသည်

ဗုဒ္ဓကိုယ်ပွားဆင်းတုများသွန်းလောင်းပြုလုပ်ပူဇော်ခြင်းအကျိုးများ

၂၂-၀၃-၂၀၁၃

ဗုဒ္ဓ၏ ကိုယ်ပွား ဘုရားဆင်းတုရုပ်ပွားတော်အား သွန်းလောင်းထုလုပ်ပူဇော်ခြင်းဖြင့် ရရှိခံစားနိုင်သော အကျိုးတရားများ။ 

  ၁။  အပါယ်လေးပါးသို့ မလားခြင်း။ 
  ၂။  မဇ္ဈိမတိုက်သား ဖြစ်ခြင်း။
  ၃။  ယောက်ျားကောင်း၊ ယောက်ျားမြတ် ဖြစ်ခြင်း။
  ၄။  ကိုယ်လက်အင်္ဂါ ချို့တဲ့သောသူ ဘယ်သောအခါမှ မဖြစ်ခြင်း။
  ၅။  ဒွန်းစန္ဒား သူ့ကျွန်ဘ၀မျိုးဘယ်သောအခါမှ မဖြစ်ခြင်း။
  ၆။  လောကန္တရိတ် ငရဲသို့ဘယ်သောအခါမှ မကျရောက်ခြင်း။
  ၇။  ယုတ်မာသောအမျိုးအနွယ် ဘယ်သောအခါမှ မဖြစ်ခြင်း။
  ၈။  မြင့်မြတ်သော အမျိုးအနွယ်၌သာ လူဖြစ်ရခြင်း။
  ၉။  လူအပေါင်းချစ်ခင်မြတ်နိုးမှုကို ခံရခြင်း။
၁၀။  မြတ်သောလာဘ်လာဘ၀ထ္ထုပစ္စည်းတို့ကိုရရှိခြင်း။
၁၁။  ပစ္စည်းဥစ္စာ ပြည့်စုံကြွယ်ဝခြင်း။
၁၂။  အကြံအစည်ဟူသမျှ အောင်မြင်းခြင်း။
၁၃။  အသက်ရှည်၍ အနာကင်းခြင်း။
၁၄။  အဆင်းရူပချောမောပြေပြစ်လှပခြင်း။
၁၅။  ဘုန်းကံကြီးမားခြင်း။
၁၆။  ဥာဏ်ပညာကြီးမားခြင်း။
၁၇။  နတ်ဖြစ်သောနတ်မင်း၊ လူဖြစ်သော်လူမင်းဖြစ်ရခြင်း။
၁၈။  သိကြားမင်း၊ စင်္ကြာဝတေးမင်းအဖြစ် အကြိမ်တစ်ထောင်ဖြစ်ရခြင်း။
၁၉။  ကောင်းသောလိုအင်ဆန္ဒဟူသမျှ ပြည့်စုံခြင်း။
၂၀။  နောက်ဆုံးဘ၀၌ ဈာန်မဂ်ဖိုလ်ရပြီး နိဗ္ဗာန်သို့ရောက်ရခြင်း။

သဒ္ဒါကျောက်ဆရာတော် (သံတွဲမြို့)

မူရင်း- လျှို့ဝှက်ဆန်းကြယ်မဂ္ဂဇင်း အတွဲ ၁၆ အမှတ် ၈ ၊ ၂၀၁၃ ခု ဧပြီ လထုတ်မှ ဖြစ်ပါသည်။

Photograpy: Ngwe Tun

ဗုဒ္ဓဘာသာဆိုတာဘာလဲမေးလာခဲ့ရင်

၁၂-၃-၂၀၁၃

ဗုဒ္ဓဘာသာကိုအဖျက်သဘောနဲ့မေးခွန်

းတွေမေးလာခဲ့ရင်ပြန်လည်ဖြေကြားနိုင်ရန်အတွက်
ဒီပိုစ့်ကိုထပ်ဆင့်မျှဝေပေးလိုက်သည်..။။
****************************
ဗုဒ္ဓဘာသာတရားကို မယုံကြည်လို့မေးသောမေးခွန်းများကို တိကျသောဖြေရှင်းချက်...။
**********************************************************


(၁) - ဗုဒ္ဓဘာသာဆိုတာ ဘာလဲ။
(၂) - ဒီလိုဆိုရင် ဗုဒ္ဓဘာသာဟာ ဒဿနပညာရပ် တစ်ခုဘဲပေါ့။
(၃) - ဗုဒ္ဓဆိုတာ ဘယ်သူပါလဲ။
(၄) - ဗုဒ္ဓဟာ သူ့ရဲ့ကြင်ယာတော်နဲ့ သားတော်ကို ပစ်ထားခဲ့တဲ့အတွက်
တာဝန်မဲ့ရာ မရောက်ဘူးလား။
(၅) - ဗုဒ္ဓက ပရိနိဗ္ဗာန် စံသွားပြီဆိုတော့ သူက ကျွန်ုပ်တို့ကို ဘယ်လို ကူညီနိုင်ပါသလဲ။
(၆) - ဗုဒ္ဓဟာ ထာဝရဘုရား (God) လား။
(၇) - ဗုဒ္ဓဟာ ထာဝရဘုရား မဟုတ်ရင် ဘာကြောင့် သူ့ကို လူတွေက ရှိခိုးကိုးကွယ်နေကြသလဲ။
(၈) - ဗုဒ္ဓဘာသာဝင်များဟာ ရုပ်တုကို ကိုးကွယ်ကြတယ်လို့ တချို့လူများက ပြောတာ ကြားဘူးပါတယ်။ ဟုတ်ပါသလား။
(၉) - တရုတ် ဗုဒ္ဓဘာသာ ဘုရားကျောင်းတွေ ထဲမှာ စက္ကူပိုက်ဆံတွေကို မီးရှို့တာတွေ၊ ပြီးတော့ တခြား ထူးထူးဆန်းဆန်း လုပ်ကြတာ တွေ့ကြရပါတယ်။ အဲဒါတွေကို ဘာကြောင့် လုပ်ကြပါသလဲ။
(၁၀) - ဗုဒ္ဓဘာသာဝင်တွေ ကုသိုလ်ဖြစ် လုပ်ငန်းတွေ လုပ်ကြတာ သိပ်မကြားမိပါဘူး။ အဲဒါ ဘာကြောင့်လဲ။
(၁၁) - ဘာကြောင့် ဗုဒ္ဓဘာသာတွေ အမျိုးမျိုး ကွဲပြားနေပါသလဲ။
(၁၂) - သင်က ဗုဒ္ဓဘာသာကို အလွန် အထင်ကြီးတာပဲ။ သင်ဟာ သင့်ဘာသာတရားကို မှန်တယ်လို့ ယူဆပြီး တခြားဘာသာ အားလုံးကို မှားတယ်လို့ ယူဆပုံရတယ်။
(၁၃) - ဗုဒ္ဓဘာသာဟာ သိပ္ပံနည်း ကျပါသလား။

(၁) မေး - ဗုဒ္ဓဘာသာဆိုတာ ဘာလဲ။

ဖြေ - “ဗုဒ္ဓဘာသာ“ ဆိုတဲ့ စကားလုံးဟာ “ဗုဒ္ဓိ“ ဆိုတဲ့ စကားလုံးမှ လာတာပါ။ “ဗုဒ္ဓ“ ဆိုတာ (ကိလေသာ တည်းဟူသော အိပ်ပျော်ခြင်းမှ) “နိုးလာသူ“ လို့ အဓိပ္ပါယ်ရပါတယ်။ ဒါကြောင့် ဗုဒ္ဓဘာသာဆိုတာ နိုးကြားရေး အတွေးအမြင် (ဒဿန) ပညာပါပဲ။ ဒီဒဿနပညာကို ဂေါတမနွယ်ဖွား သိဒ္ဓတ္ထ မင်းသားကနေ ဘုရား ဖြစ်လာတဲ့ ဗုဒ္ဓမြတ်စွာဘုရားက စတင်ဟောပြောခဲ့ပါတယ်။ ဗုဒ္ဓရှင်တော်မြတ်ဘုရားဟာ သက်တော် ၃၅နှစ်မှာ (ကိလေသာ တည်းဟူသော အိပ်ပျော်ခြင်းမှ) နိုးလာပြီးလျှင် ဘုရားအဖြစ်သို့ ရောက်တော်မူပါသည်။ ဗုဒ္ဓဘာသာဟာ နှစ်ပေါင်း ၂၅၀၀ ကျော် ကြာမြင့်ခဲ့ပြီ ဖြစ်လို့ ဗုဒ္ဓဘာသာဝင်ပေါင်း သန်းသုံးရာကျော် ရှိနေပါပြီ။ လွန်ခဲ့တဲ့ နှစ်ပေါင်း တစ်ရာလောက် အထိတော့ ဗုဒ္ဓဘာသာဟာ အရှေ့တိုင်း ဒဿနပညာရပ် တစ်ခုအဖြစ်သာ တည်ရှိခဲ့ပါတယ်။ သို့သော်လဲ ယခုအချိန်မှာ ဥရောပနှင့် အမေရိကတိုက်ရှိ နိုင်ငံပေါင်း များစွာမှာလဲ ဗုဒ္ဓဘာသာဝင် ဦးရေတဖြည်းဖြည်း တိုးပွါးနေပါတယ်။

(၂) မေး - ဒီလိုဆိုရင် ဗုဒ္ဓဘာသာဟာ ဒဿနပညာရပ် တစ်ခုဘဲပေါ့။

ဖြေ - ဒဿနပညာဆိုတာ အင်္ဂလိပ်စကား Philosophy ကို ဘာသာပြန်ထားတာပါ။ အဘိဓာန်များ ဖွင့်ပြချက်အရ ဆိုရင် "philo"ဆိုတာ “ချစ်ခင်ခြင်း မေတ္တာ“ လို့ ဆိုလိုပါတယ်။ "sophy" ဆိုတာ “ပညာ“ လို့ အဓိပ္ပါယ် ရပါတယ်။ ဒီတော့ "Philosophy" ဆိုတာ “ပညာကို ချစ်ခင်ခြင်း“၊ သို့မဟုတ် “မေတ္တာနှင့် ပညာ“ လို့ အဓိပ္ပါယ် ရပါတယ်။ ဒီစကား နှစ်လုံးဟာ ဗုဒ္ဓဘာသာရဲ့ အဓိပ္ပါယ်ကို အပြည့်အ၀ ဖေါ်ပြနိုင်ပါတယ်။ ဗုဒ္ဓဘာသာ တရားက သဘာဝတရားကို ကြည်လင်ပြတ်သားစွာ ကျွန်ုပ်တို့ နားလည် နိုင်ရေးအတွက် အပြည့်စုံဆုံး ဥာဏ်ပညာအရည်အသွေး တိုးတက်အောင် ကြိုးစားကြဖို့ သင်ပေးပါတယ်။ ပြီးတော့ ကျွန်ုပ်တို့ဟာ သတ္တ၀ါအားလုံးရဲ့ မိတ်ဆွေသဖွယ် ဖြစ်နိုင်စေရန် မေတ္တာ ကရုဏာတရား တိုးပွါးအောင် ကြိုးစားဖို့ကိုလဲ သင်ပေးပါတယ်။ ဒါကြောင့် ဗုဒ္ဓဘာသာကို အတွေးအမြင် ပညာတစ်ရပ်လို့ ဆိုနိုင်သော်လဲ သာမာန် အတွေးအမြင်ပညာ မဟုတ်ပါဘူး။ မြင့်မြတ်သော အတွေးအမြင်ပညာ (Supreme Philosophy) သာ ဖြစ်ပါတယ်။

(၃) မေး - ဗုဒ္ဓဆိုတာ ဘယ်သူပါလဲ။

ဖြေ - ခရစ်မပေါ်မီ ၅၆၃ ခုနှစ်မှာ အိန္ဒိယပြည် မြောက်ပိုင်း (ကပိလ၀တ်ပြည်) ဘုရင် သုဒ္ဓေါဓနနှင့် မိဖုရား မယ်တော်မာယာတို့မှ သားကလေးတစ်ယောက် ဖွားမြင်ပါတယ်။ ဒီမင်းသားကလေးဟာ စည်းစိမ်ဥစ္စာ ပြည့်ပြည့်စုံစုံနှင့် ကြီးပြင်းလာရသော်လဲ နောက်ဆုံးမှာ လောကီစည်းစိမ်ဥစ္စာတွေဟာ ချမ်းသာပျော်ရွှင်မှုကို မပေးနိုင်ဘူးဆိုတာ တွေ့လာရတယ်။ ဒီမင်းသားဟာ သူ့ပတ်ဝန်းကျင်မှာ သူတွေ့မြင်ရတဲ့ ဆင်းရဲဒုက္ခတွေကြောင့် အကြီးအကျယ် စိတ်မချမ်းမသာဖြစ်ပြီး လူသားတို့ ချမ်းသာရေးအတွက် သော့ချက်ကိုရှာဖို့ ဆုံးဖြတ်လိုက်တယ်။ အသက်၂၉နှစ် ရှိတဲ့အခါ ဒီမင်းသားဟာ သူ့ရဲ့ကြင်ယာတော် (ယသောဓရာ)နှင့် သားတော်(ရာဟုလာ)ကို ထားခဲ့ပြီးတော့ အဲဒီခေတ်က ဘာသာရေး ဆရာကြီးများရဲ့ အထံမှာ အသိပညာ ဆည်းပူးဖို့ ထွက်လာခဲ့တယ်။ သူတို့ဟာ ဒီမင်းသားကို မြောက်မြားစွာ သင်ကြား ပေးကြသော်လဲ သူတို့ကိုယ်တိုင် ဆင်းရဲဒုက္ခရဲ့ အကြောင်းရင်း ဇာစ်မြစ်ကို မသိကြတဲ့အတွက် ဒီဆင်းရဲဒုက္ခကို ဘယ်လို ကျော်လွန်အောင် လုပ်နိုင်တယ်ဆိုတာကိုလဲ မသိကြဘူး။ သိဒ္ခတ္ထမင်းသားဟာ (ဥရုဝေလတော) မှာ ခြောက်နှစ် ကြာအောင် လေ့လာ ပွါးများ အားထုတ်ပြီးတဲ့ အခါမယ် အ၀ိဇ္ဇာကို ပယ်ခွါနိုင်တဲ့အတွက် (အမှန်တရားကို) ထိုးထွင်းသိမြင်သွားပါတယ်။ အဲဒီအချိန်ကစပြီး သူ့ကို “ဗုဒ္ဓ“ (ကိလေသာတည်းဟူသော အိပ်ပျော်ခြင်းမှ) “နိုးလာသူ“လို့ ခေါ်ဝေါ် သမုတ်ကြပါတယ်။ ဗုဒ္ဓရှင်တော် မြတ်ဘုရားဟာ အဲဒီအချိန်မှစပြီး ၄၅နှစ်ပတ်လုံး အိန္ဒိယပြည် မြောက်ပိုင်းမှာ သူတွေ့သိထားတဲ့ တရားတော်များကို လှည့်လည်ဟောပြော ခဲ့ပါတယ်။

(မှတ်ချက် ။ ။ ဥရုဝေလတော၌ ဒုက္ကရစရိယာ ခြောက်နှစ်ကြာ ကျင့်စဉ်က ဘုရား မဖြစ်သေးပါ။ ထိုအကျင့်မှားကို စွန့်၍ အာနာပါနဈာန် အခြေခံလျက် မဂ္ဂင်ရှစ်တန် ပွါးမှသာ ဘုရားအဖြစ်သို့ ရောက်ပါသည်။) ရှင်တော်မြတ်ဘုရားရဲ့ ကြီးမားလှတဲ့ မဟာ ကရုဏာတော်နှင့် ခန္တီတရားကြောင့် များစွာသော လူတို့ဟာ တပည့်သာဝကအဖြစ် ခံယူကြပါတယ်။ သက်တော် ရှစ်ဆယ် ပြည့်တော်မူတဲ့အခါ သဘာဝအလျောက် အိုခြင်းတရား၊ နာခြင်းတရားများ ဖိစီးနှိပ်စက် ခံရသော်လဲ ချမ်းမြေ့အေးငြိမ်းလျက်ပင် နောက်ဆုံးမှာ ပရိနိဗ္ဗာန်ဝင်စံတော် မူပါတယ်။

ပဋ္ဌာန်း (၂၄) ပစ္စည်း

၁၀-၃-၂၀၁၃

‎"ပဋ္ဌာန်း(၂၄)ပစ္စည်း"
•••••••••••••••••••••
(၁)။ဟေတုပစ္စယော=ဟိတ်ခြောက်ပါးဖြစ်၍ ကျေးဇူးပြုတတ်သောတရား
ညောင်ပင်မြစ်သည် ညောင်ပင်အား မြဲမြံခိုင်ခံ့စွာ တည်စေခြင်းငှာ ကျေးဇူးပြုသကဲ့သို့ လောကီအာရုံ ကာမဂုဏ်တို့၌ လိုချင်မှုရှိသော လောဘ၊ကြမ်းတမ်းသောခက်ထန်ခြင်း အမျက်ထွက်ခြင်းရှိသော ဒေါသ၊မကောင်းသော အယူဝါဒကို မစွန့်ဘဲ ငိုက်မြည်းတွေဝေခြင်းရှိသော မောဟ၊ လောကီအာရုံ ကာမဂုဏ်တို့၌ လိုချင်မှုမရှိသော အလောဘ၊နူးညံ့စွာ ယဉ်ကျေးလိမ္မာ၍ ကြမ်းတမ်းခက်ထန်ခြင်း၊အမျက်ထွက်ခြင်း မရှိသော အဒေါသ၊ကောင်းသောအယူဝါဒကို လက်ကိုင်ထားပြီး ယုံမှားသံသယများဖြင့် ငိုက်မြည်းတွေဝေးခြင်း မရှိသော အမောဟတရားတို့သည် စိတ်၊စေတသိတ်တရားတို့အား အလိုသို့လိုက်၍ ဖြစ်စေခြင်းဖြင့် ကျေးဇူးပြုခြင်းငှာ ဟေတုပစ္စည်းတရားကိုဟောတော်မူသည်။


(၂)။အာရမ္မဏပစ္စယော=အာရုံခြောက်ပါးဖြစ်၍ ကျေးဇူးပြုတတ်သောတရား
တောင်ဝှေးသည် မသန်မစွမ်းသူတို့အား အလိုရှိရာသို့ ရောက်စေ၍ အထောက်အကူပေးသကဲ့သို့ အဆင်း(ရူပါရုံ)၊အသံ(သဒ္ဓါရုံ)၊အနံ့(ဂန္ဓာရုံ)၊အရသာ(ရသာရုံ)၊အတွေ့အထိ(ဖောဋ္ဌဗ္ဗာရုံ)၊စိတ်ခံစားမှု(ဓမ္မာရုံ) ဟူသောအာရုံခြောက်ပါးတို့သည် ကုသိုလ်၊အကုသိုလ်တရားတို့ကို အကျိုးအကြောင်းများဖြင့် မိမိစိတ်ကို အထောက်အကူပြုပေးသကဲ့သို့ ကျေးဇူးပြုခြင်းငှာ အာရမ္မဏပစ္စည်း တရားကိုဟောတော်မူသည်။


(၃)။အဓိပတိပစ္စယော=အကြီးအမှူးဖြစ်၍ ကျေးဇူးပြုတတ်သော တရား
စကြဝတေးမင်းသည် ပြိုင်ရဲသူ၊ပြိုင်သူမရှိလောက်အောင် ဇွဲ၊လုံးလအပြည့်ဖြင့် အုပ်ချုပ်သကဲ့သို့ အလိုဆန္ဒအလွန်ပြင်းပြခြင်းဟူသော ဆန္ဓာဓိပတိ၊အားထုတ်ခြင်းလုံးလဟူသော ဝီရိယာဓိပတိ၊လွန်စွာညွတ်ခြင်း ကိုင်းရှိုင်းခြင်း စိတ်ဓာတ်ပြင်းထန်ခြင်းဟူသော စိတ္တာဓိပတိ၊အသိဥာဏ်ပညာဖြင့် အသင့်ဆင်ခြင်ခြင်းဟူသော ဝီမံသာဓိပတိဟူသော အဓိပတိ တရားများသည် အားကောင်းရာသို့လိုက်၍ ကျေးဇူးပြုခြင်းငှာ အဓိပတိပစ္စည်းတရားကိုဟောတော်မူသည်။


(၄)။အနန္တရပစ္စယော=အခြားမဲ့ တဆက်တည်း အကြားမရှိဖြစ်၍ ကျေးဇူးပြုတတ်သောတရား
စကြာဝတေးမင်း နတ်ရွာစံခြင်း(သေခြင်း)သည် အကြီးဆုံးသား ရတနာအား အလိုလို မင်း(ဘုရင်)ဖြစ်စေခြင်းငှာ ကျေးဇူးပြုသကဲ့သို့ ရုပ်ဝတ္ထုကို မြင်သည်နှင့် အသိစိတ်သည် အာရုံတွင် တဆက်တည်းဖြစ်ခြင်း၊နောက်နောက် စိတ်အစဉ်တွေ ဆက်တိုက်ဖြစ်ရန်အတွက် ရှေ့ရှေ့စိတ် အစဉ်တွေပျက်ပျက်ပေး၍ ကျေးဇူးပြုခြင်းငှာ အနန္တရပစ္စည်းတရားကိုဟောတော်မူသည်။


(၅)။သမနန္တရပစ္စယော=ကောင်းစွာ(အခြားမဲ့)တဆက်တည်း အကြားမရှိ အတားအဆီးမရှိ၍ ကျေးဇူးပြုတတ်သောတရား။
စကြာဝတေးမင်း တောထွက်၍ ရဟန်းပြုခြင်းသည် အကြီးဆုံးသော သားရတနာအား တဆက်တည်းအကြားမရှိကောင်းစွာ မင်း(ဘုရင်)ဖြစ်စေခြင်းငှာ ကျေးဇူးပြုသကဲ့သို့ မြင်စိတ် သိစိတ် ကောင်းလျှင်ကောင်းသည်ဟုဝန်ခံခြင်း၊မကောင်းလျှင် မကောင်းဟု ဝန်ခံခြင်းတို့သည် စိတ်များ ဆက်ကာဆက်ကာ ဖြစ်ပေါ်လာအောင် အခြားမရှိ ဆက်၍ဖြစ်ခြင်းဖြင့် ကျေးဇူးပြုခြင်းငှာ သမနန္တရ ပစ္စည်းတရားကိုဟောတော်မူသည်။


(၆)။သဟဇာတပစ္စယော=တပြိုင်နက် အတူတကွဖြစ်၍ ကျေးဇူးပြုတတ်သောတရား။ဆီမီးသည် ညှိထွန်းသည်နှင့်တပြိုင်နက် အလင်းရောင်နှင့်အတူတကွ ဖြစ်ပေါ်စေသကဲ့သို့ ခံစားမှုဝေဒနာ ဖြစ်သည်နှင့်တပြိုင်နက် မှတ်သားမှုသညာ၊ပြုပြခြင်းသင်္ခါရ၊အသိရှိမှု ဝိဥာဏ်ဟူသော နမ်ခန္ဓာလေးပါးတို့ကို တစ်ပေါင်းတည်းအတူတကွ ဖြစ်စေခြင်းဖြင့် ကျေးဇူးပြုခြင်းငှာ သဟဇာတ ပစ္စည်းတရားကိုဟောတော်မူသည်။


(၇)။အညမညပစ္စယော=အချင်းချင်း အပြန်အလှန်မှီ၍ ကျေးဇူးပြုတတ်သောတရား
သစ်သားသုံးချောင်းသည် မလဲမပြိုရအောင် ခိုင်မြဲစွာ တစ်ချောင်းနှင့်တစ်ချောင်း အမှီပြုသကဲ့သို့သိမှု၊ခံစားမှုဟူသော ရုပ်တရား၊နာမ်တရားတို့သည်လည်း အချင်းချင်း အပြန်အလှန်ကျေးဇူးပြုခြင်းငှာ အညမညပစ္စည်းတရားကိုဟောတော်မူသည်။


(၈)။နိဿယပစ္စယော=မှီရာတည်ရာဖြစ်၍ ကျေးဇူးပြုတတ်သောတရား။
နောက်ဖြစ်ပေါ်လာသော သစ်ပင်စသည်တို့ကို မှီ၍ ဖြစ်ထွန်းရန်အတွက် မြေကြီးသည် ပထမဆုံးအရင် ထောက်ပံ့ပေး၍ ရပ်တည်ရာဖြစ်စေသကဲ့သို့ ရုပ်တရားသည် အာဟာရကိုမှီ၍ ကျေးဇူးပြုခြင်းငှာ နိဿယပစ္စည်းတရားကိုဟောတော်မူသည်။

(၉)။ဥပနိဿယပစ္စယော=အားကြီးသော မှီရာအကြောင်းဖြစ်၍ ကျေးဇူးပြုတတ်သောတရား။
မိုးတွင်းအခါ ရွာသောမိုးကြီးသည် ထိုမိုးကို အမှီပြုကုန်သော သစ်ပင် သတ္တဝါ၊လယ်ယာမြေ၊တော၊တောင်အစရှိသည်တို့ အားကောင်းလာအောင် ကျေးဇူးပြုသကဲ့သို့လည်းကောင်း၊သဒ္ဓါတရားကို အခြေခံ၍ အမှီပြုကုန်သော ပုဂ္ဂိုလ်တို့သည် ဥပုသ်သီလစောင့်ထိန်းခြင်း၊သမထ၊ဝိပဿနာ၊ဘာဝနာများအားထုတ်ခြင်းကြောင့် မဂ်တရား၊ဖိုလ်တရားများနှင့် နိဗ္ဗာန်ရောက်အောင် ကျေးဇူးပြုသကဲ့သို့လည်းကောင်း၊ကံ၊စိတ်၊ဥတု၊အာဟာရဟူသော အကြောင်းတရားတို့သည် အားကြီးသော မှီရာဖြစ်၍ ပုဂ္ဂိုလ်သတ္တဝါတို့အား ချမ်းသာစေခြင်းဖြင့် ကျေးဇူးပြုခြင်းငှာ ဥပနိဿယပစ္စည်းတရားကိုဟောတော်မူသည်။


(၁၀)။ပုရေဇာတပစ္စယော=ရှေ့၌ဖြစ်နှင့်၍ ကျေးဇူးပြုတတ်သော တရား။
ကမ္ဘာဦး၌ ပထမဆုံး အရင်ဖြစ်နှင့်သော နေ၊လတို့သည် နောက်မှဖြစ်သည့် သတ္တဝါအပေါင်းတို့အား အလင်းရောင်ပေး၍ ကျေးဇူးပြုသကဲ့သို့လည်းကောင်း၊မိဘတိုင်းသည် သားသမီးများထက် အရင်ဖြစ်နှင့်၍ ကျေးဇူးပြုသကဲ့သို့လည်းကောင်း၊ရှေ့မှဖြစ်နှင့်သော လျှာသည် အရသာအား နောက်မှဖြစ်၍ ကျေးဇူးပြုခြင်းငှာ ပုရေဇာတပစ္စည်းတရားကိုဟောတော်မူသည်။


(၁၁)။ပစ္ဆာဇာတပစ္စယော=နောက်မှဖြစ်၍ ကျေးဇူးပြုတတ်သောတရား။
သားကောင်း၊သမီးကောင်းများသည် ဥစ္စာပညာ ပြည့်စုံ၍ မိဘတို့အား နောက်မှပြန်၍ လုပ်ကျွေးစောင့်ရှောက်ခြင်းဖြင့် ကျေးဇူးပြုသကဲ့သို့လည်းကောင်း၊အရှင်ဗာကုလ ရဟန္တာမထေရ် အလောင်းတော်သည် မွေးပြီးစ နို့စို့အရွယ်တွင် သမုဒ္ဒရာအလယ်၌ ရေထဲသို့ ကျသွားရာ ရေနစ်၍ မသေခဲ့ပါ။ထို့သို့မသေခြင်းသည် နောင်အခါ ရဟန္တာဖြစ်မည့် သတ္တိက အရှင်ဗာကုလမထေရ်အား မသေစေရန် အကျိုးပြုသကဲ့သို့လည်းကောင်း၊ရုပ်တရားတွေ လန်းဆန်းတည်တံ့ နေအောင် စိတ်တရားများက ထက်သန်မှုအပြည့်ဖြင့် နောက်မှနေ၍ ကျေးဇူးပြုခြင်းငှာ ပစ္ဆာဇာတပစ္စည်းတရားကိုဟောတော်မူသည်။


(၁၂)။အာသေဝနပစ္စယော=အဖန်တလဲလဲ မှီဝဲအပ် ထုံမွှမ်းအပ်သည့်ဖြစ်၍ ကျေးဇူးပြုတတ်သောတရား။
ရှေးရှေး၌ ပန်းပေါင်းစုံတို့ဖြင့် စီမံရောပြွမ်းထားသော နံ့သာအား အမွှေးနံ့ အလွန်တိုးပွား ခိုင်မြဲစေခြင်းငှာ ကျေးဇူးပြုသကဲ့သို့လည်းကောင်း၊ရှေးရှေးက သင်ယူတတ်မြောက်ထားခဲ့သည့် စာပေကျမ်းဂန်များသည် နောက်နောင်မှ သင်ယူရသည့် စာပေးကျမ်းဂန်တို့ကို လေ့လာမှတ်သားခြင်းငှာ ထောက်ပံ့ကာ အခြေခံအတွက် အားကောင်း၍ ကျေးဇူးပြုသကဲ့သို့လည်းကောင်း၊ရှေးရှေးက အဖန်ဖန်ပြုလုပ်ခဲ့သောကုသိုလ်၊ အကုသိုလ်တရားများသည် နောက်နောင်မှ ပြုလုပ်သည့် ကုသိုလ်၊အကုသိုလ်တရားများအတွက် ကောင်းကျိုး၊မကောင်းကျိုးတို့ကိုတိုးပွားစေ၍ ကျေးဇူးပြုခြင်းငှာ အာသေဝနပစ္စည်းတရားကိုဟောတော်မူသည်။


(၁၃)။ကမ္မပစ္စယော=ပြုလုပ်စီခြင်းဖြင့် ဗီဇမျိုးစေ့ဖြစ်၍ ကျေးဇူးပြုတတ်သောတရား။
သစ်ပင်အပေါင်းတို့သည် ကောင်းစွာပြုပြင် စီမံအပ်သော မျိုးစေ့၊အညွန့်၊အညှောက်၏ အမူအရာသို့လိုက်၍ ကောင်းမကောင်း ကျေးဇူးပြုသကဲ့သို့လည်းကောင်း၊ကောင်းသောအမှုကိစ္စကို
ပြုလုပ်ဆောင်ရွတ်သူအား ထိုအတိုင်းပင် ကောင်းကျိုးချမ်းသာများကို ရရှိခံစားပြီး မကောင်းသော အမှုကိစ္စကို ပြုလုပ်ဆောင်ရွတ်သူအား မကောင်းသော ဒုက္ခ၏ဆိုးကျိုးများကို ရရှိခံစားရမှာ ဖြစ်စေသကဲ့သို့ ကျေးဇူးပြုခြင်းငှာ ကမ္မပစ္စည်းတရားကိုဟောတော်မူသည်။


(၁၄)။ဝိပါကပစ္စယော=အကျိုးရလာဒ်ဖြစ်၍ ကျေးဇူးပြုတတ်သောတရား။
တိုက်ခတ်လာသော လေပြေ၊လေညှင်း၊လေနုအေးသည် သစ်ပင်ကြီးများ၏ အရိပ်အောက်၌ နေသောသူအား ကိုယ်ရောစိတ်ပါ ချမ်းသာစေခြင်းဖြင့် ကျေးဇူးပြုသကဲ့သို့လည်းကောင်း၊ကုသိုလ်ကံတရားကြောင့် ကုသိုလ်၏ အကျိုးကို ဖြစ်စေတတ်သော လူဘုံ၊နတ်ဘုံတို့၌ ခံစားရမည့် အကုသိုလ်ကံတရားကြောင့် အကုသိုလ်၏အကျိုးကို ဖြစ်စေတတ်သော ငရဲဘုံ၊တိရိစ္ဆာန်ဘုံတို့၌ ခံစားစေသကဲ့သို့ ကျေးဇူးပြုခြင်းငှာ ဝိပါကပစ္စည်းတရားကိုဟောတော်မူသည်။


(၁၅)။အာဟာရပစ္စယော=ထောက်ပံ့ခိုင်ခံ့စေတတ်သည်ဖြစ်၍ ကျေးဇူးပြုတတ်သောတရား။
ထောက်ကန်ထားသော အကူ ဒေါက်တိုင်သစ်သားသည် အိမ်အို၊အိမ်ဟောင်းအား လေဒဏ်၊မိုးဒဏ်
ကြောင့် မလဲမပြိုစေရန် မြဲမြဲခိုင်ခံ့စေခြင်းငှာ ကျေးဇူးပြုသကဲ့သို့ ထို့အတူပင် ဆုံးဆယ့်တစ်ဘုံ၌ ရှိသော သတ္တဝါအားလုံးမှာ အသက်ဆက်၍ ရှင်သန်နိုင်ရန် အတွက် ရုပ်အာဟာရ၊နာမ်အာဟာရ နှစ်ပါးက ပံ့ပိုးထောက်ကူပေးခြင်းဖြင့် ကျေးဇူးပြုခြင်းငှာ အာဟာရပစ္စည်းတရားကို ဟောတော်မူသည်။


(၁၆)။ဣန္ဒြိယပစ္စယော=အစိုးရသည်ဖြစ်၍ ကျေးဇူးပြုတတ်သော တရား။
တိုင်းပြည်တစ်ပြည်အတွင်း၌ အသီးသီး ဆိုင်ရာကိစ္စ တာဝန်များကို ပေးအပ်ခြင်းခံရသော မင်း၊မှူးမတ်တို့သည် မိမိ၏တာဝန်များကို အသီးသီးခွဲဝေ၍ ပိုင်ပိုင်နိုင်နိုင် ဆောင်ရွတ်သကဲ့သို့ ဣနြေ္ဒ(၂၂)ပါးရှိရာတွင် စက္ခုနြေ္ဒဟူသော မြင်သိစိတ်သည် မြင်သိစိတ်အားသာ၊သောတိနြေ္ဒဟူသော ကြားသိစိတ်သည် ကြားသိစိတ် အားသာ အစိုးရခြင်းဖြင့် ကျေးဇူးပြုခြင်းငှာ
ဣန္ဒြိယပစ္စည်းတရားကိုဟောတော်မူသည်။

(၁၇)။ဈာနပစ္စယော=ကပ်၍စူးစူးစိုက်စိုက် ရှု့တတ်သည်ဖြစ်၍ ကျေးဇူးပြုတတ်သောတရား။
တောင်ထိပ်ဖျား၊သစ်ပင်ဖျားသို့တက်၍ ကြည့်သော သူသည် အနီးအဝေး အရပ်မျက်နှာတို့ကို ထင်ရှားတပ်အပ်မြင်ခြင်း၊ထိုမြင်ခြင်း၌ အလိုရှိသောသူအား ကျေးဇူးပြုသကဲ့သို့လည်းကောင်း၊ဈာန်ငါးပါး၊ကုသိုလ်ဈာန်စသည်တို့ကို စူးစူးစိုက်စိုက် အာရုံပြုလျှင် အမြင်မှန်တရားများရကာ နောက်ဆုံး နိဗ္ဗာန်ရောက်သည်အထိ အကျိုးပြုသကဲ့သို့လည်းကောင်း၊အဖန်ဖန်သုံးသပ်ခြင်းစသော တရားတို့သည် အတူဖြစ်ဖက် စိတ်တရား၊ရုပ်တရားတို့အား ထင်ရှားစွာ အောင်မြင်မှုကို ဖြစ်စေခြင်းဖြင့် ကျေးဇူးပြုခြင်းငှာ ဈာနပစ္စည်းတရားကိုဟောတော်မူသည်။


(၁၈)။မဂ္ဂပစ္စယော=ကျွတ်လွတ်ထွက်မြောက်သော နည်းလမ်းဖြစ်၍ ကျေးဇူးပြုတတ်သောတရား
ဤမှာဖက်ကမ်းစပ်မှ ဟိုမှာကမ်းစပ်သို့ ကူးပြောင်းသွားသော ဖောင်၊ကူတို့သမားသည် ဤမှာဘက်ကမ်းစပ်မှလွတ်မြောက်သွားသကဲ့သို့လည်းကောင်း၊သမ္မာဒိဋ္ဌိ(ကောင်းစွာသိမြင်ခြင်း)။
သမ္မာသင်္ကပ္ပ(ကောင်းစွာကြံခြင်း)၊
သမ္မာဝါစာ(ကောင်းစွာပြောဆိုခြင်း)၊
သမ္မာကမ္မန္တ(ကောင်းစွာလုပ်ဆောင်ခြင်း)၊
သမ္မာအာဇီဝ(ကောင်းစွာအသက်မွေးခြင်း)
သမ္မဝါယမ(ကောင်းစွာအားထုတ်ခြင်း)၊
သမ္မာသတိ(ကောင်းစွာအောက်မေ့သတိရှိခြင်း)၊
သမ္မာသမာဓိ(ကောင်းစွာတည်ကြည်ခြင်း)ဟူသော ကုသိုလ်မဂ္ဂင်တရား(၈)ပါးတို့သည်ကောင်းသည့် အရာဝတ္ထုမှန်
သမျှကို သယ်ယူပို့ဆောင် ခေါ်ငင်သည်၏ အဖြစ်ကြောင့် ကုသိုလ်တရားများဖြစ်ပွားပြီး သံသရာဝဋ်ဆင်းရဲမှ လွတ်မြောက်ကြောင်းဖြစ်သော ဟိုမှာဘက်ကမ်းရှိချမ်းသာစစ် ချမ်းသာမှန် လှမ်းရောက်နိုင်သကဲ့သို့ ကျေးဇူးပြုခြင်းငှာ မဂ္ဂပစ္စည်းတရားကိုဟောတော်မူသည်။


(၁၉)။သမ္ပယုတ္တပစ္စယော=အတူတကွယှဉ်ပြီး ရောစပ်နေသည်ဖြစ်၍ ကျေးဇူးပြုတတ်သောတရား။
နှင်းဆီ၊ထောပတ်၊ပျားရည်၊သကာရည်၊(နို့ရည်)ဟူသော စတုမဓူသည် အရသာလေးမျိုးကို တစ်ခုစီခွဲခြား၍ မရအောင် ရောစပ်ခြင်းဖြင့် စိတ်၊ဖဿ၊ဝေဒနာ၊သညာဟူသော ခံစားမှု၊မှတ်သားမှုစသော နာမ်တရားများသည် အာရုံတစ်ခုကို ခံစားလျှင် အတူတူယှဉ်ပြီး တစ်ပြိုင်နက်တည်းဖြစ်ကြကာ တစ်ခုစီခွဲခြား၍ မရနိုင်အောင် ရောနှောပေါင်းစပ်ခြင်းဖြင့် ကျေးဇူးပြုခြင်းငှာ သမ္ပယုတ္တပစ္စည်းတရားကို ဟောတော်မူသည်။


(၂၀)။ဝိပယုတ္တပစ္စယော=အတူတကွ မရောစပ် မယှဉ်စပ်သည်ဖြစ်၍ ကျေးဇူးပြုတတ်သောတရား။
ချို၊ချဉ်၊စပ်၊ဖန်၊ခါးဟူသော ခြောက်ပါးသော အရသာသည် ရောထားသော်လည်း အချင်းချင်း မနှီးမနှော မရောမပြွမ်းသောအားဖြင့် ကျေးဇူးပြုသကဲ့သို့လည်းကောင်း၊နေမင်းသည် သမုဒ္ဒရာနှင့်မရောမစပ်သော်လည်း မိုးရွာခြင်းဖြင့် ကျေးဇူးပြုသကဲ့သို့ မျက်စိ၊နား၊နှာခေါင်း၊လျှာ၊ကိုယ်၊နှလုံးအိမ်ဟူသော ရုပ်တရားတို့သည် နာမ်တရားများနှင့် မရောစပ်ဘဲ တစ်မျိုးစီသာ အာရုံပြုခြင်းဖြင့် ကျေးဇူးပြုခြင်းငှာ ဝိပ္ပယုတ္တပစ္စည်းတရားကိုဟောတော်မူသည်။


(၂၁)။အတ္ထိပစ္စယော=ပစ္စုပ္ပန်၌ ထင်ရှားစွာရှိဆဲဖြစ်၍ ကျေးဇူးပြုတတ်သောတရား။
မြင်းမိုရ်တောင်မင်းသည် မိမိထင်ရှားရှိခိုက် မိမိကို အမှီပြုနေသော မြက်၊သစ်ပင်စသည်တို့အား ပြန့်ပွားစေခြင်းငှာ ကျေးဇူးပြုသကဲ့သို့လည်းကောင်း၊
အစားအသောက်အာဟာရတွေ ဗိုက်ပြည့်ဝအောင်သုံးဆောင်ခြင်းသည် လောလောလတ်လတ် ထင်ရှားရှိဆဲ ခန္ဓာကိုယ်ကိုတည်တံ့တိုးပွားအောင် အကျိုးပြုစေသကဲ့သို့ မြေ၊ရေ၊မီး၊လေ ဟူသောမဟာဘုတ်တရားတို့သည် ထိုတရားကို ချယ်လှယ်သော ရုပ်တရားတို့အား ထင်ရှားရှိခိုက် ကျေးဇူးပြုခြင်းငှာ အတ္ထိပစ္စည်းတရားကိုဟောတော်မူသည်။


(၂၂)။နတ္ထိပစ္စယော=မရှိသည်ဖြစ်၍ မရှိမှ ကျေးဇူးပြုတတ်သောတရား။
ဆီမီးငြိမ်းသွားခြင်းသည် အမိုက်အမှောင်ကို ရခြင်းငှာ ကျေးဇူးပြုသကဲ့သို့လည်းကောင်း၊ညအခါကုန်လွန်သွားခြင်းသည် နေ့အခါ ရောက်ဖို့ရန်
ကျေးဇူးပြုသကဲ့သို့လည်းကောင်း၊ရှေးရှေးစိတ်တို့ချုပ်ငြိမ်း၍ မရှိခြင်းသည် နောက်နောက်စိတ်ဖြစ်ဖို့ရန်အတွက် မရှိသောအဖြစ်ဖြင့် ကျေးဇူးပြုခြင်းငှာ နတ္ထိပစ္စည်းတရားကိုဟောတော်မူသည်။


(၂၃)။ဝိဂတပစ္စယော=ကင်းမဲ့ချုပ်ပျောက်သည်ဖြစ်၍ ကျေးဇူးပြုတတ်သောတရား။
နေမင်းအရောင် ကွယ်ပျောက်သွားခြင်းသည် လမင်း၏ အရောင်ကို ထွန်းလင်းစေသကဲ့သို့ လောဘ၊ဒေါသ၊မောဟ၊တရားများ ကင်းပျောက်သွားလျှင် အမှားနှင့်အမှန်ကိုခွဲခြားသိစေခြင်းဖြင့်ကျေးဇူးပြုခြင်းငှာ ဝိဂတပစ္စည်းတရားကိုဟောတော်မူသည်။


(၂၄)။အဝိဂတပစ္စယော=မကင်းသည်ဖြစ်၍ ကျေးဇူးပြုတတ်သောတရား။
မဟာသမုဒ္ဒရာရေသည် မိမိကိုမှီကုန်သောငါး၊လိပ်တို့နှင့်မကင်း၊မကွာခင် ချမ်းသာစေခြင်းဖြင့် ကျေးဇူးပြုသကဲ့သို့အာဟာရသည် ဥပါဒ်၊ဌီ၊ဘင်ဟူသော လက္ခဏာငယ်သုံးချက်ချုပ်ပျောက်ခါနီးထိ အသက်ရှင်စဉ် ကာလ၌ သာ ကျေးဇူးပြုခြင်းငှာ အဝိဂတပစ္စည်းတရားကိုဟောတော်မူသည်။

အားလုံးကိုယ်စိတ်နှစ်ပါးကျန်းမာချမ်းသာကြပါစေ။
[ကိုးကား။ ။" ဒေါက်တာအရှင်ကောဝိဒစာရ(ပဋ္ဌာန်းစာအုပ်)"
မှ ကောက်နှုတ်ရေးသားခြင်းဖြစ်ပါသည်။]
အရှင်ဝိမလဝံသ(နာလန္ဒာတက္ကသိုလ် အိန္ဒိယနိုင်ငံ) ၏ ပိုစ့်ကိုပြန်ရှယ်ပါသည်။

တံခွန်တိုင်ဆိုတာ

၁၀-၃-၂၀၁၃

အထက်ပါပုံတွင်တံခွန်တိုင်အားအဝေးကပင်လှမ်းမြင်နိုင်ပါသည်။(ဖိုးကုလားကျွန်း-ချောင်းသာ)

ဘုရားများတွင် တွေ့ရလေ့ရှိသော တိုင်ထိပ်တွင် ဟင်္သာနားနေဟန် တံခွန်တိုင်မှာ . .
မာနတံခွန်တက်နေသူများ ဘုရားထံမှောက် ရောက်လိုလျှင် မာနကို အရင်ချ ခဲ့ရန် သတိပေးခြင်းဖြစ်ပြီး၊
ရှေးခေတ်က ဘုရားသို့ လာသူများသည် တံခွန်တိုင်ကို မြင်သည့်အရပ်မှ စတင်ကာ မာနချသည့်အနေဖြင့်ရော, အရိုအသေပေးသည့် အနေဖြင့်ပါ ဖိနပ်ချွတ်ခဲ့လေ့ရှိကြောင်း၊
မာနခံနေပါက တရားမရနိုင်ကြောင်း၊
မာနစွဲကြီးသူသည် သက္ကာယဒိဌိခေါ် ငါစွဲကြီးသော သူများဖြစ်သောကြောင့်, ငါစွဲ ပေါ်တွင်သာ မာနတက်လို့ ရသောကြောင့်, မာနကြီးသူသည် တရားရဖို့ ခဲယဉ်းကြောင်း၊
ယင်းမာနကို ဘုရားပေါ်မရောက်ခင် အဝေးကတည်းက သတိပေးသည့် အနေဖြင့် တံခွန်တိုင်ကို မြင့်မြင့် တည်ထားခြင်း ဖြစ်ကြောင်း သိရလေသည်။

( အင်ဂျင်နီယာ ဖိုရမ်မှ )

 Photography: Ngwe Tun

3 Treasures: Buddha, Dhamma & Sangha ၏ facebook စာမျက်နှာမှပြန်လည်ကူးယူဖော်ပြပါသည်။

သြကာသရှင်းတမ်း

၃-၃-၂၀၁၃

သြကာသရှင်းတမ်း ================ ဒီပို့စ်လေးကတော့ ဗုဒ္ဓဘာသာဆိုပေမယ့် အမည်ခံဗုဒ္ဓဘာသာသာ ဖြစ်နေကြသူများ၊ မိရိုးဖလာဗုဒ္ဓဘာ သာများ၊ သူများဆိုလို့သာ လိုက်ဆိုနေရ၊ လိုက်ကန်တော့နေရ ပေမယ့် ဆိုလိုရင်းအဓိပ္ပါယ်ကို ကောင်းကောင်းနားမလည်သူများ၊ ဘာသာရေးပွဲများရှိတိုင်း အစဉ်အလာအရ လိုက်ဆိုနေသ်ာလ ည်း သြကာသရဲ့အဓိပ္ပါယ်နဲ့ ဒီကန်တော့ချိုးမှာပါတဲ့ စကားလုံးတစ်ခုချင်းကို သေချာနားလည် သေဘာမေပါက်သေးသူများအတွက် ရ်ရညွယ်ပြီး အများနားလည်အောင် ရှင်းလင်းတင်ပြထားတဲ့ ပို့စ်လေးဖြစ် ပါတယ်။ နားလည်ပြီးဖြစ်နေသူများအတွက် နားဖူးထပ်မံပေါ့။ ဒီသြကာသရှင်းတမ်းလေးကို ပြောဖို့အတွက် အရဆင်ုံး သြကာသကန်တော့ချိုးကို တင်ပြရပါမယ်၊ ပြီးတော့မှ တစ်ခုချင်းကို ရှင်းပြပါမယ်။

..သြကာသ သြကာသ သြကာသ၊ ကာယကံ ၀စီကံ မေနာကံ၊ သဗ္ဗဒေါသ ခပ်သိမ်းသော အပြစ်တို့ကို ပျောက်ပါစေခြင်း အကျိုးငှါ၊ ပထမ ဒုတိယ တတိယ တစ်ကြိမ် နှစ်ကြိမ် သုံးကြိမ်မြောက်အောင် ဘုရားရတနာ တရားရတနာ သံဃာရတနာ ရတနာမြတ်သုံးပါးတို့ကို အရိုအသေအလေးအမြတ် လက်စုံမိုး၍ ရှိခိုးပူဇော် ဖူးမြော်မာန်လျော့ ကန်တော့ပါ၏ အရှင်ဘုရား။ ကန်တော့ရသော အကျိုးအားကြောင့် အပါယ်လေးပါး၊ ကပ်သုံးပါး၊ ရပ်ပြစ်ရှစ်ပါး၊ ရန်သူမျိုးငါးပါး၊ ၀ိပတ္တိတရားလေးပါး၊ ဗျသနတရားငါးပါးတို့မှ အခါခပ်သိမ်း ကင်းလွတ်ငြိမ်းသည်ဖြစ်၍ မဂ်တရား၊ ဖိုလ်တရား နိဗ္ဗာန်တရားတော်မြတ်ကို ရပါလို၏ အရှင်ဘုရား။

ဒီသြကာသ ကန်တော့ချိုးမှာ ရှိခိုးဝန်ချတောင်းပန်မှုအပိုင်းနဲ့ ဆုတောင်းတဲ့အပိုင်း နှစ်ပိုင်းရှိပါတယ်။ ဒီအပိုင်းတွေကို အေသးစ်ိရပှင်းပြရရင် သြကာသကေတာ့ ပါဠိစကားလုံးပါ။ အခွင့်၊ အခွင့်တောင်းခြင်းလို့ အဓိပ္ပါယ်ရပါတယ်။ ရှိခိုးဝန်ချတော င်းပန်ခွင့် ပြုဖို့စကားပလ္လင်ခံတဲ့သဘောပါ။ သုံးကြိမ်ဆိုတာက ပိုပြီးလေးနက်အောင်လို့ပါ။ နောက် ကာယကံ၊ ၀စီကံမနောကံမှာ ကာယကံက ကိုယ်ဖြင့်ပြုလုပ်တဲ့အမှု၊(စေတနာ)၊ ၀စီကံက နှုတ်ဖြင့်ပြောဆိုတဲ့အမှု(စေတနာ)၊မနောကံက စိတ်ဖြင့်ကြံစီတဲ့အမှု(စေတနာ) ကိုဆိုလိုတာပါ။ ကိုယ်နှုတ်နှလုံး သုံးပါးမှာ ကိုယ်အမူအရာနဲ့ ဖြစ်စေ၊ စကားဖြင့် ဖြစ်စေ၊ စိတ်ဖြင့်ဖြစ်စေ ဒီသုံးမျိုးဖြင့် ပြုလုပ်ခြင်းကို ကံသုံးပါးလို့ ဆိုပါတယ်။ ဒီသုံးပါးမှာ တစ်ပါးပါးနဲ့ ပြစ်မှားမိတာတွေကို ၀န်ချတောင်းပန်မှု ပြုခြင်းဖြင့် ကျေပျောက်စေလိုတဲ့သဘောပါ။ (ဒီနေရာမှာ ပြောတဲ့ကံသုံးပါးနဲ့ ဒုစရိုက်ဆယ်ပါးမှာ လာတဲ့ ကာယကံ၊ ၀စီကံ၊ မေနကံတွေနဲ့တော့ မတူပါဘူး။ ပိုပြီး ကျယ်ကျယ်ပြန့်ပြန့် ပြောရရင် ဒုစရိုက်ဆယ်ပါးမှာ ကာယကံသုံးပါး၊ ၀စီကံလေးပါး၊ မေနာကံက သုံးပါးရှိပါတယ်။ ကာယကံသုံးပါးက ပါဏာတိပါတ-သက်ရှိသတ္တ၀ါကိုသတ်ဖြတ်ခြင်း၊ အဒိန္နဒါန-ပိုင်ရှင်မပေးတဲ့ သူတစ်ပါးဥစ္စာကို ခိုးယူခြင်း၊ ကာမေသုမိစ္ဆာစာရ-သူတစ်ပါးသားမယားကို ပြစ်မှားလွန်ကျူးခြင်းတို့ဖြစ်ပြီး ၀စီကံလေးပါးက မုသာဝါဒါ-လိမ်ညာပြောဆိုခြင်း၊ ပိသုဏ၀ါစာ- ချောပစ်ကုန်းတိုက်သော စကားကိုပြောဆိုခြင်း၊ ဖရုသ၀ါစာ-ကြမ်းကြုတ်သောစကားကို ပြောဆိုခြင်း၊ သမ္ဖပ္ပလာပ-အကျိုးမရှိ ပြိန်ဖျင်းသော စကားကိုပြောဆြို ခင်းတို့ဖြစ်ကာမနောကံသုံးပါးကတော့ အဘိဇ္ဈာ-အလိုကြီးခြင်း၊ တပ်မက်ခြင်း၊ ဗျာပါဒ-မေကာင်းကြံခြင်း၊ စောင်းမြောင်းခြင်း၊ မိစ္ဆာဒိဋ္ဌိ- မှားယွင်းသောအမြအင်ယူတို့ပဲ ဖြစ်ပါတယ်။ ဒါတွေက မေကာင်းတဲ့စရိုက် ဆယ်ပါးဖြစ်ပါတယ်။ ဒီဆယ်ပါးကို ကျူးလွန်မိပါက ၀န်ချတောင်းပန်ရုံနဲ့မကျေပျောက်ပါဘူး။ သူ့ကံအကျိုးပေးမှု ပေါ်ပြီးမှ ကျေပျောက်ပါတယ်။)သဗ္ဗဒေါသနဲ့ ခပ်သိမ်းသောအပြစ်က အဓိပ္ပါယ်အတူတူပါပဲ။ ပါဠိနဲ့ မြန်မာကိုတွဲပြီး ရေးထားတာပါ။ ရှိခိုးဝန်ချတောင်းပန်မှုအပိုင်းမှာ အဓိကသိထားသင့်တာတွေကေတာ့ ဒီလောက်ပါပဲ။

ဆုတောင်းတဲ့အပိုင်းမှာတော့ သိထားသင့်တဲ့အပိုင်းတွေက များပါတယ်။ တစ်ခုချင်းရှင်းပြရရင်…

အပါယ်လေးပါး (အပါယ=ပျက်စီး၍ကျရောက်အပ်သော ချမ်းသာကင်းရာအရပ်) ၁။ ငရဲ၊ ၂။ တိရစ္ဆာန်၊ ၃။ ပြိတ္တာ၊ ၄။ အသုရကာယ် (အသုရကာယ-ယုတ်ညံ့သောအသုရကာယ်နတ်အပေါင်း)

ကပ်သုံးပါး (ကပ္ပ=သတ္တ၀ါတို့၏အပြစ်ကံအေလျာက်စီရခင်ံရခြင်း) ၁။ ဒုဗ္ဘိက္ခန္တရကပ် = အစာရေစာ ငတ်မွတ်ခေါင်းပါးခြင်း ၂။ သတ္ထန္တရကပ် = တိုက်ခိုက်သတ်ဖြတ် စစ်မက်များဖြစ်ပွားခြင်း ၃။ ရောဂန္တရကပ် = အနာရောဂါ ကျရောက်သေကျ ပျက်ဆီးခြင်း

ရပ်ပ်ြရစှစ်ပါး (မဂ်ဖိုလ်နိဗ္ဗာန်မရနိုင်သော ဘ၀ဖြစ်တည်မှု) ၁။ ငရဲဘုံ၌ဖြစ်ခြင်း၊ ၂။ တိရစ္ဆာန်ဘုံ၌ဖြစ်ခြင်း၊ ၃။ ပြိတ္တာဘုံ၌ဖြစ်ြ ခင်း၊ ၄။ အသညသတ်ဘုံ၊ အရူပဗြဟ္မာဘုံ၌ဖြစ်ခြင်း၊ ၅။ ပစ္စန္တရစ်အရပ်ခေါ် သာသနာမရှိသောအရပ်၌ဖြစ်ခြင်း၊ ၆။ မှားယွင်းသောမိစ္ဆာဒိဋ္ဌိအယူရှိခြင်း၊ ၇။ သုဂတိအဟိတ်ပဋိသန္ဓေနေခြင်း (မွေးရာပါ၊ ဆွံ့၊ အ၊ နားမကြားခြင်းစသည်) ၈။ တိဟိတ်ပဋိသေန္ဓ (ခြေလက်အင်္ဂါအစုံအလင်)ဖြစ်သော်လည်း ဘုရားမပွင့်သော ကမ္ဘာ၌ဖြစ်ခြင်း

ရန်သူမျိုးငါးပါး ၁။ ရေ၊ ၂။ မီး၊ ၃။ မင်း၊ ၄။ ခိုးသူ၊ ၅။ မချစ်မနှစ်သက်သူ (အေမွခံသားဆိုးသမီးဆိုး)

ဝိပတ္တိတရားလေးပါး (ပျက်ဆီးခြင်းသို့ရောက်ခြင်းတရား) ၁။ ဂတိဝိပတ္တိ = အပါယ်လေးဘုံ၌ဖြစ်ရခြင်း ၂။ ဥပဓိဝိပတ္တ = ကိုယ်အင်္ဂါချို့ယွင်းသော ခန္ဓာကိုယ်အတ္တဘောကိုရခြင်း ၃။ ကာလ၀ိပတ္တိ = မေကာင်းယုတ်မာသော မင်းတို့၏လက်ထက်၌ ကာလေဖာက်ပြန်ခြင်း ၄။ ပေယာဂ၀ိပတ္တိ = မေကာင်းမှုတို့နှင့်အသက်မွေးခြင်း (အသက်မွေးရခြင်း)

ဗျသနတရားငါးပါး (ပျက်ဆီးခြင်းတရား) ၁။ ဉာတိဗျသန = ဆွေမျိုးတို့ပျက်ဆီးခြင်း ၂။ ဘောဂဗျသန = စည်းစိမ်ဥစ္စာများပျက်ဆီးခြင်း ၃။ ရောဂဗျသန = အနာရောဂါနှိပ်စက်၍ ပျက်ဆီးခြင်း ၄။ သီလဗျသန = အကျင့်သီလပျက်ဆီးခြင်း ၅။ ဒိဋ္ဌိဗျသန = မှန်ကန်သည့်အယူဝါဒ ပျက်ဆီးခြင်း ------------------------------------------------------ဓမ္မအလင်း မှတဆင့် မူရင်းအတိုင်း မျှဝေပေးလိုက်ပါသည်။


ref : ဖြိုးမင်းဇော်၏မှတ်စု

တို့လျောက်နေတဲ့ မသေချာတဲ့လမ်း

၃-၃-၂၀၁၃

အားလုံးဟာ မသေချာတဲ့လမ်းကို
လျှောက်လှမ်းနေကြရတာချည်းပါပဲ။

မြတ်ဗုဒ္ဓက မသိခြင်း ငါးမျိုးကို ညွှန်ပြတော်မူခဲ့ပါတယ်။

(၁)ဘယ်အသက်အရွယ်မှာ သေမယ်ဆိုတာကို မသိခြင်း
(၂) ဘယ်အနာရောဂါနဲ့ သေရမယ်ဆိုတာကို မသိခြင်း
(၃) မနက်၊ နေ့လည်၊ ညနေ ဘယ်အချိန်မှ သေရမယ်ဆိုတာကို မသိခြင်း
(၄) ကြွင်းကျန်းတဲ့ ဥတုဇခန္ဓာကိုယ်ကို ရွာထဲ မြို့ထဲ တောထဲ တောင်ပေါ် မြစ် သမုဒ္ဒရာ ဘယ်နေရာမှာ ပစ်ချခံမည်ဆိုတာကို မသိခြင်း
(၅) လူ့ဘ၊ နတ်ဘဝ၊ တိရစ္ဆာန်ဘဝစတဲ့ဘဝတွေမှာ ဘယ်ဘဝရောက်ရမယ်ဆိုတာ မသိခြင်း..
ဆိုတဲ့ မသိခြင်း ငါးပါးပါပဲ။

ဒီမသိခြင်းတွေနဲ့ ဘဝကိုလျှောက်လှမ်းနေကြရတော့
သေချာတာဘာများရှိနေလို့လဲ၊

မသိခြင်းတွေနဲ့ ခရီးသွားနေရတာခြင်းအတူတူ
သူတလူ ငါတမင်း ရန်ဘက်ခင်းပြီး ပြိုင်ဆိုင်နေကြတာတော့
နှုတ်ခမ်းပဲ့ခြင်း မီးမှုတ်တာပဲ။

မသေချာတဲ့ လမ်းကို လျှောက်လှမ်းရင်း ကိုယ့်အတွက်
သေချာတာတွေကို စုဆောင်တတ်တဲ့ အခွင့်အရေးသမားဖြစ်ဖို့
ကြိုးစားရမယ်။

ဒါမှ တကယ့်အခွင့်အရေးသမားကောင်း ဖြစ်မှာပါ။

 

Ashinwanna Maha ၏ facebook ပိုစ့်မှဖြစ်ပါသည်။

 

ငရဲကြီးရှစ်ထပ်အကြောင်း

၃-၃-၂၀၁၃

ငရဲကြီး ရှစ်ထပ်ကား ဤသို့တည်း။

၁။ သိဉ္ဇိုးငရဲကြီး နှစ်(၅၀၀)
လူနှစ် ၉-သန်း သိဉ္ဇိုးငရဲ တရက်
လူနှစ် ၂၇၀-သန်း သိဉ္ဇိုးငရဲ တလ
လူနှစ် ၃၃၄၀-သန်း သိဉ္ဇိုးငရဲ တနှစ်
လူနှစ် ၁၆၂၀၀-သန်း သိဉ္ဇိုးငရဲ တဘဝ။

(ဆောင်) အမျက်စောင်းမာန်၊ ရက်စက်ပြန်၊ ရောက်ရန် သိဉ္ဇိုးမှာ။

၂။ ကာလသုတ်ငရဲကြီး နှစ်(၁၀၀၀)
လူနှစ် ၃-ကုဋေ ၆-သန်း ကာလသုတ်ငရဲ တရက်
လူနှစ် ၁၀၀-သန်း ကာလသုတ်ငရဲ တလ
လူနှစ် ၁၂၆၆-သန်း ကာလသုတ်ငရဲ တနှစ်
လူနှစ် ၁၂၉၆၀၀၀၀-သန်း ကာလသုတ်ငရဲ တဘဝ။

(ဆောင်) သူတော်ရဟန်း၊ ပြောညှဉ်းပန်း၊ ဆဲခန်း ကာဠမှာ။

၃။ သင်္ဃာတငရဲကြီး နှစ်(၂၀၀၀)

လူနှစ် ၁၄-ကုဋေ ၄-သန်း သင်္ဃာတငရဲ တရက်
လူနှစ် ၄၃၂-ကုဋေ ၄-သန်း သင်္ဃာတငရဲ တလ
လူနှစ် ၅၁၈၄-ကုဋေ ၄-သန်း သင်္ဃာတငရဲ တနှစ်
လူနှစ် ပကောဋိ ၁၀-ကုဋေ ၃၆၀၀၀၀-သန်း သင်္ဃတာငရဲ တဘဝ။

(ဆောင်) သတ္တဝါအား၊ လေးနှင့်မျှား၊ သတ်ငြား ဃာတမှာ။

၎။ စူဠရောရုဝငရဲကြီး နှစ်(၄၀၀၀)

လူနှစ် ၅၇-ကုဋေ ၆-သန်း စူဠရောရုဝငရဲ တရက်
လူနှစ် ၁၅၄၈-ကုဋေ ၆-သန်း စူဠရောရုဝငရဲ တလ
လူနှစ် ၁၈၅၇၆-ကုဋေ ၆-သန်း စူဠရောရုဝငရဲ တနှစ်
လူနှစ် ပကောဋိ ၁၇-ကုဋေ, ၄၃၀၄၀၀၀-သန်း စူဠရောရုဝငရဲ တဘဝ။

(ဆောင်) ဒါးခုတ်-ကပ်ဖိ၊ သေသောက်မိ၊ ရောက်ရှိရောရုဝ။
သူ့မယား-လင်၊ ပြစ်မှားချင်၊ ရောက်လျှင် ရောရုဝ။

၅။ မဟာရောရုဝငရဲကြီး နှစ်(၈၀၀၀)
လူနှစ် ၂၉၁-ကုဋေ ၄-သန်း မဟာရောရုဝငရဲ တရက်
လူနှစ် ၉၆၂၄-ကုဋေ ၄-သန်း မဟာရောရုဝငရဲ တလ
လူနှစ် ၁၁၅၇၀၄-ကုဋေ ၄-သန်း မဟာရောရုဝငရဲ တနှစ်
လူနှစ် ပကောဋိ ၉၃-ကုဋေ ၅၆၃၂-သန်း မဟာရောရုဝငရဲ တဘဝ။

(ဆောင်) ခိုးတိုက်ကောက်ကျသ်၊ ပစ္စည်းညှစ်၊ ရောက်လစ် ရောမဟာ။

၆။ စူဠတာပန္နငရဲကြီး နှစ်(၁၆၀၀၀)

လူနှစ် ၉၁၃-ကုဋေ ၄-သန်း စူဠတာပန္နငရဲ တရက်
လူနှစ် ၂၇၆၄၂-ကုဋေ ၄-သန်း စူဠတာပန္နငရဲ တလ
လူနှစ် ၃၃၁၇၀၄-ကုဋေ ၄-သန်း စူဠတာပန္နငရဲ တနှစ်
လူနှစ် ပကောဋိ ၅၃၀-ကုဋေ ၈၈၆၄-သန်း စူဠတာပန္နငရဲ တဘဝ။

(ဆောင်) ပြည်ရွာ-မြို့ပြ၊ ဖျက်ဆီးကြ၊ အဓမ္မ တာပန္နာ။

၇။ မဟာတာပန္နငရဲကြီး နှစ်(၃၂၀၀၀)

လူနှစ် ၃၉၈၅-ကုဏ္ဍေ ၆-သန်း မဟာတာပန္နငရဲ တရက်
လူနှစ် ၁၁၀၅၆၈-ကုဋေ ၆-သန်း မဟာတာပန္နငရဲ တလ
လူနှစ် ၁၃၂၆၈၁၆-ကုဋေ ၆-သန်း မဟာတာပန္နငရဲ တနှစ်
လူနှစ် ပကောဋိ ၄၂၄၅-ကုဋေ ၈၁၁၂-သန်း မဟာတာပန္နငရဲ တဘဝ။

(ဆောင်) သဒ္ဓါ စေတနာ၊ မပါတိုက်ဖျက်၊ တရားပျက်၊
ရောက်ချက် မဟာတာ။

၈။ အဝီစိငရဲကြီး အန္တရကပ် တကပ် ခံရ၏။

လူနှစ် ၁၄၇၄၂-ကုဋေ ၄-သန်း အဝီစိငရဲ တရက်
လူနှစ် ၄၄၉၂၂၇-ကုဋေ ၄-သန်း အဝီစိငရဲ တလ
လူနှစ် ၅၃၉၁၂၆၄-ကုဋေ ၄-သန်း အဝီစိငရဲ တနှစ်
လူနှစ် ပကောဋိ ၃၃၅၀၄-ကုဋေ ၇၉၆၀၀-သန်း အဝီစိငရဲ တဘဝ။

(ဆောင်) ပွဲကြည့်-ပွဲက၊ ဤနှစ်ဝ၊ ရောက်ရ ဝီစိသာ။
ကံမှာပဉ္စိ၊ နိဒိဋ္ဌိနှင့်၊ အရိယူကံ၊ အာဏာလှန်၊ ရောက်ရန် ဝီစိမှာ။

အထက်ပါဌာနများကို ပြန်သွားလျှင် လွယ်ကူပါ၏
(အိပ်ပြီးစား - စားပြီးအိပ် - အိပ် စား ကာမ) အဝိဇ္ဇာနှင့် အန္ဓပုထုဇဉ်ဘဝက ဘယ်တော့မှမလွတ်။

(ငရဲ-တိရစ္ဆာန်-ပြိတ္တာ-အသူရကာယ် ၄-ဘုံနှင့် အိုးစားကွဲလိုသည့် သိမှတ်စရာ အချက်များ)
ဝိပဿနရာ တရက်က ဖြေရှင်းပါလိမ့်မည်။
ကိုယ်တိုင် နာကြား ပွားများ အားထုတ်ကြကုန်လော့
သူတော်ကောင်း-သူမြတ်လောင်း အပေါင်းတို့။
credit to mingala
မင်္ဂလာသတင်းစဉ်မှ ကူးယူဖော်ပြပါသည်။

မေတ္တာဖြင်.
အနှို်င်းမဲ.စာတိုပေစများ ၏ ဖေ့ဘုတ်စာမျက်နှာမှဖြစ်ပါသည်။

သောတာပန်မှာ ငါ့လင် ငါ့သား ဒိဋ္ဌိစွဲ ရှိလို့လား

ဒကာ။ ။သောတာပတ္တိမဂ်က ဒိဋ္ဌိနဲ့ ၀ိစိကိစ္ဆာကို အကြွင်းမဲ့ပယ်တယ်ဆိုတာ ဘယ်ဒိဋ္ဌိကို ပယ်တာလဲ ဆရာတော်။
သောတာပန်တွေဟာ လင်ယူ သားမွေး ရောင်းဝယ်ရေးကိစ္စတွေ လုပ်နေသေးတယ်၊ သား မြေး လင် သေတော့ လည်း ငိုကြွေးသေးတယ် ဆိုတော့ကာ ဒိဋ္ဌိစွဲ မကုန်သေးလို့သာ ဖြစ်ရမှာပေါ့၊ ရှင်းပြပါဦးဆရာတော်၊ လွယ်လွယ်
နဲ့ သိနိုင်အောင်ပေါ့ ဘုရား။
ဆရာ။ ။ အင်း….ဒကာကြီးတို့ မေးခွန်းက လွယ်လွယ်နဲ့မပြီးနိုင်တဲ့ အဖြေမျိုးပဲ၊ ဉာဏ်နားရှိသူများမှ နားလည်မှာ
ဖြစ်တယ်၊ ဉာဏ်နားနဲ့ စိတ်ဝင်စားပြီးတော့ မှတ်သားပါ။သောတာပန်မှာ နိစ္စစွဲနဲ့ အတ္တစွဲ ဒိဋ္ဌိတွေ မရှိဘူးဆိုပေမဲ့
တထစ်ချ ဧကန္တ မမှတ်ရဘူး၊ လုံးဝမရှိတဲ့ နိစ္စနဲ့ အတ္တစွဲဒိဋ္ဌိကတော့ ဝိပ္ပလ္လာသတရား သုံးပါးထဲက….
သောတာပန် ပုဂ္ဂိုလ်၌ နိစ္စ - ခိုင်မြဲတဲ့ အတ္တကောင် ငါကောင် ရှိတယ်လို့ ယူစွဲထားတဲ့ ဒိဋ္ဌိဝိပ္ပလ္လာသကိုတော့
အကြွင်းမရှိဘဲ သောတာပတ္တိမဂ်က ပယ်သတ်လိုက်တယ်၊ လုံးဝ မရှိတော့ဘူးပေါ့။
အဲဒီ……သောတာပတ္တိမဂ် ပယ်သတ်ပုံထူးတာက ခန္ဓာငါးပါးအပေါ်၌ စွဲယူတဲ့ သက္ကာယဒိဋ္ဌိ နှစ်ဆယ်ကို ခန္ဓာ
တပါးစီသာ ပယ်သတ်နိုင်တာ၊ ရူပက္ခန္ဓာတပါး အပေါ်
၌ ထင်ရှားအောင်ပြရရင်…
၁။ ရူပက္ခန္ဓာသည် ငါ။
၂။ ငါသည် ရူပက္ခန္ဓာ။
၃။ ရူပက္ခန္ဓာ၌ ငါရှိသည်။
၎။ ငါ၌ ရူပက္ခန္ဓာ ရှိသည်။
ဆိုတဲ့ (ရူပံ အတ္တတော သမနုပဿတိ) စသည်ဖြင့်ရုပ်အပေါ်၌ အတ္တကောင်ရှိတယ် ခိုင်မြဲတယ် ဟူသော
ဒိဋ္ဌိမျိုးလုံးဝ မရှိတဲ့ သက္ကာယဒိဋ္ဌိစွဲကို ပယ်သတ်တယ်လို့ မှတ်ယူရမည်တဲ့။
ဝေဒနာက္ခန္ဓာ၊ သညာက္ခန္ဓာ၊ သင်္ခါရက္ခန္ဓာ၊ ၀ိညာဏက္ခန္ဓာတို့ အပေါ်မှာလည်း အဲသည်လိုဘဲ တပါးစီ တ
ပါးစီ သက္ကာယဒိဋ္ဌိတွေကို ပယ်သတ်သွားတယ်လို့မှတ်ယူရမည်တဲ့။
သောတာပန်ဟာ အဲဒီအတိုင်း ခန္ဓာငါးပါးအပေါ်မှာသက္ကာယဒိဋ္ဌိအစွဲ နှစ်ဆယ်ကိုသာ ပယ်ဖြတ်သုတ်
သင် ရှင်းလင်းနိုင်သေးတာလို့ မှတ်ယူရမည်တဲ့။အိမ်ထောင်သားမွေးရောင်းဝယ်ရေးနဲ့ ငိုကြွေးမှု
စသည်တွေ ရှိနေသေးတာကတော့ သညာဝိပ္ပလ္လာသနဲ့ စိတ္တဝိပ္ပလ္လာသတို့က ၀င်ဝင် စွက်နေလို့
ဟု မှတ်ရမည်တဲ့။
ခန္ဓာတပါးစီ အပေါ်မှာ သူကောင် ငါကောင် အတ္တစွဲငါစွဲ ကင်းနေသော်လည်း ခန္ဓာငါးပါးလုံးကို ပေါင်းရုံး
စွဲမှီပြီး ခေါ်ဆိုသမုတ်နေတဲ့ တကိုယ်လုံး တကောင်လုံးကိုပင် ယောက်ျား မိန်းမ ငါ့လင် ငါ့သား ငါ့ဥစ္စာ
ငါ့ဟာ ဟု သိမှု စိတ္တဝိပ္ပလ္လာသနဲ့ မှတ်မှု သညာဝိပ္ပလ္လာသတို့က ရှိနေသေးသောကြောင့် လင်ယူ သား
မွေးတွေ လုပ်နေကြသေးတယ်လို့သာ မှတ်ယူရမည်။
ဒါပေမဲ့ ပုထုဇဉ်တုန်းကလိုတော့ အစွဲအမြဲ သဲသဲမဲမဲစုံရေ မျက်ပြဲကြီး မဟုတ်တော့ဘူး၊ အမှတ်မဲ့နေတဲ့
အခါမှာသာ စိတ္တဝိပ္ပလ္လာသနဲ့ သညာဝိပ္ပလ္လာသ နှစ်ပါးက ၀င်နေတာ၊ ၀င်နိုင်တာပါတဲ့။ယောနိသော မနသိကာရနဲ့ ဆင်ခြင်စဉ်းစားမိတဲ့အခါမျိုးနဲ့ ၀ိပဿနာတရားပွားများ ရှုမှတ်နေတဲ့ အခါမျိုးကျတော့ ဒီ သညာအမှတ်မှားတို့ စိတ္တအသိမှားတို့ဟာလုံးဝ ၀င်မလာတော့ဘူးတဲ့။
ကဲ….ဒကာကြီးတို့ စဉ်းစားကြည့်စမ်း၊ သောတာပန်မှာရှုမှတ်ဆင်ခြင်မှု မရှိဘဲနဲ့ မြင် ကြား စသည့် အာရုံတို့
ပေါ်တိုင်း အနိစ္စဓမ္မတွေဘဲလို့ အမြဲထင်မှတ်သိရှိနေရင်ရဟန္တာနဲ့ ဘာထူးသေးသလဲ၊ အာသဝ တရားလေးပါး
ကုန်ခန်းရာ ရောက်သွားမှာပေါ့၊ ကဲ…ရှင်းရဲ့လား။
ဒကာ။ ။ ဝိပ္ပလ္လာသ တရား သုံးပါးတို့တွင် သောတာပန်ပုဂ္ဂိုလ်က သညာဝိပ္ပလ္လာသနဲ့ စိတ္တဝိပ္ပလ္လာသ နှစ်ပါးကျန်
ရှိနေသေးတယ်ဆိုတာ သိရလို့ ရှင်းလင်းသွားပါပြီ ဆရာတော်၊ သောတာပန် ပယ်တဲ့ ဒိဋ္ဌိနဲ့ ဝိစိကိစ္ဆာ ဆိုရာမှာ
သောတာပတ္တိမဂ်က ဒိဋ္ဌိဝိပ္ပလ္လာသ ဖြစ်တဲ့ သက္ကာယဒိဋ္ဌိနှစ်ဆယ်ကိုသာ လုံးဝ ပယ်ဖြတ်လိုက်တယ် ဆိုတာလည်း
ခုမှပဲ ရှင်းတော့တယ် ဆရာတော်၊ ကျေးဇူးတင် ၀မ်းသာလှပါတယ် ဘုရား။
အဂ္ဂမဟာပဏ္ဍိတ အရှင်သြဘာသာဘိဝံသ

Thinpyant Shwekyar ၏ facebook ပိုစ့်မှဖြစ်ပါသည်။

သီတဂူဆရာတော်ဘုရားကြီး၏ဖတ်သင့်သောNote

၂-၃-၂၀၁၃

" အပြင်ကမ္ဘာကြီးရဲ့ ငြိမ်းချမ်းရေးကို ခဏထားစမ်းပါ ...
အတွင်းကမ္ဘာ Inidividual World တစ်ယောက်ဆီ တစ်ယောက်ဆီနဲ့ ဆိုင်တဲ့ကမ္ဘာရဲ့ ငြိမ်းချမ်းရေးကို အရင်လုပ် .....
..........................................................................................
( သီတဂူဆရာတော်ကြီး )

မကြာခင်ကလေးက အိန္ဒိယပြည်ကြီးရဲ့ မြောက်ဘက် ကက်ရ်ှမီးယားရဲ့ အရှေ့မြောက် လာဒက်က ပြန်လာတယ်။ လာဒက်မှာ ဘုန်းကြီးတရားဟောတယ်။

Buddhist Centre ဆိုပြီးတော့ ဗုဒ္ဓဘာသာအဖွဲ့ ရဲ့ ဌာနချုပ်မြို့ လယ်ခေါင်မှာဖွင့်ထားတယ်။ တစ်မြို့ လုံး ပိုစတာ ထောင်ပြီးတော့ ကြော်ငြာလိုက်တော့ ဗုဒ္ဓဘာသာဝင်ရော ၊ ခရစ်ယာန်စတဲ့ အခြားဘာသာဝင်တွေရော အားလုံးလာပြီးတော့ နားထောင်ကြတယ်။ Tourist တွေကလည်း အရမ်းပေါတယ်။ သူတို့ လည်း လာနားထောင်ကြတယ်။ ခေါင်းစဉ်က ဘုန်းကြီးပေးတဲ့ ခေါင်းစဉ်မဟုတ်ဘူး။ သူတို့ ပေးတဲ့ခေါင်းစဉ်။ Buddhist and World Peace ဗုဒ္ဓဘာသာတရားတော်နှင့် ကမ္ဘာ့ ငြိမ်းချမ်းရေး ဆိုတဲ့ခေါင်းစဉ်ကို ဟောရမှာ။

ကမ္ဘာ ဆိုတာဘာလဲ .......

စင်ပေါ်ရောက်တော့ ဘုန်းကြီးက ဘာဟောသလဲဆိုရင် The World ကမ္ဘာဆိုတာ ဘာခေါ်တာလဲ။ ဘုန်းကြီးက အဲဒီကစတာ။ ရေ မြေ ၊ တော တောင် ၊ နေ လ ၊ နက္ခတ် တာရာ ၊ ပင်လယ် သမုဒ္ဒရာ ၊ အင်္ဂလိပ် အမေရိကန် ဂျပန် ကိုရီးယား မြန်မာ ဒါတွေ အကုန်လုံးကို မင်းတို့ က ကမ္ဘာလို့ ခေါ်ချင်သလား။ မင်းတို့ ခေါ်ချင်လည်း ခေါ်ရပါတယ်။

တို့ ဗုဒ္ဓကတော့ ခြေဖျားမှ ဆံပင်ဖျားတိုင်အောင် တစ်လံမျှရှိတဲ့ ခန္ဓာကိုယ်ကို “တစ်ကမ္ဘာ” လို့ သတ်မှတ်တယ်။ အဲဒီတော့ ကမ္ဘာက လူ့ အပြင်ဘက်မှာရှိတဲ့ အပြင်ကမ္ဘာ နှင့် လူသား တစ်ယောက်ချင်း တစ်ယောက်ချင်းရဲ့ အတွင်းကမ္ဘာဆိုပြီး ၂ မျိုးရှိတယ်။

ဘုန်းကြီးက သူတို့ ကို “အပြင်ကမ္ဘာကြီးရဲ့ ငြိမ်းချမ်းရေးကို ခဏထားစမ်းပါအုံး။ အတွင်းကမ္ဘာလို့ ခေါ်တဲ့ Individual World တစ်ယောက်ဆီ တစ်ယောက်ဆီ နှင့်ဆိုင်တဲ့ကမ္ဘာရဲ့ ငြိမ်းချမ်းရေးကို ပဲ မင်းတို့ လုပ်ကြပါကွာ ” လို့ ဘုန်းကြီးကပြောလိုက်တယ်။

အာရှ အာဖရိက ဥရောပ အမေရိက ငြိမ်းချမ်းရေးတွေကို မင်းတို့ ခဏထား ၊ မင်းတို့ တစ်ယောက်ချင်း တစ်ယောက်ချင်းရဲ့ ငြိမ်းချမ်းရေး Individual Peace ကိုမှ မတည်ဆောက်နိုင်ရင် ကမ္ဘာ့ ငြိမ်းချမ်းရေးဆိုတာ အဓိပ္ပာယ်မရှိဘူး။ အဲဒီငြိမ်းချမ်းရေးမျိုးကိုလည်း ငါတော့ မယုံဘူး။

ကမ္ဘာစစ်၏ အစ .......

ဒီတော့ “ကမ္ဘာစစ်ဆိုတာ ဘယ်ကစသလဲ” ဆိုရင် အင်္ဂလိပ်က စတယ်။ အမေရိကန်က စတယ်။ ဟစ်တလာက စတယ်။ ကွန်မြူနစ်က စတယ်။ ဆိုရှယ်လစ်က စတယ် ဆိုတာတွေပြောမနေပါနဲ့ ။ ဒါတွေတစ်ခုမှ မဟုတ်ဘူး။

စစ်ကို ဘယ်ကစသလဲ ဆိုရင် စိတ်က စတယ်။ လူတစ်ယောက်ချင်း တစ်ယောက်ချင်းရဲ့ စိတ်ဓာတ်ကနေပြီးတော့ စတာ။ အဲဒါကြောင့် ကမ္ဘာ့ ငြိမ်းချမ်းရေးကို မလုပ်သေးခင် ဘာအရင်လုပ်မလဲ ၊ တစ်ယောက်ချင်း တစ်ယောက်ချင်းရဲ့ စိတ်ဓာတ်ငြိမ်းချမ်းရေးကို အရင်လုပ်ရမယ်။

“တစ်ယောက်ချင်း တစ်ယောက်ချင်းရဲ့ စိတ်ဓာတ်ငြိမ်းချမ်းရေးကို အရင်လုပ်ရခြင်းသည် ဗုဒ္ဓ၀ါဒပဲ။ ဒါနဲ့ ပတ်သတ်လို့ မင်းတို့ စောဒက တက်စရာရှိရင် တက်ကြ။ မေးစရာရှိရင် မေးကြ ” ပြောပြီး ကြားထဲမှာ ခဏလောက် တရားရပ်ထားတယ်။ ဘယ်သူမှ ဘာမှမမေးကြဘူး။ ငြိမ်နေကြတယ်။

“မင်းတို့ အဲဒီလောက် ငြိမ်ငြိမ်နေရင် ငြိမ်းချမ်းရေးရပြီ ” လို့ ပြောတော့ သူတို့ အားလုံး ရယ်ကြတယ်။ ကမ္ဘာစစ်ဆိုတဲ့ စကားလုံးဟာ ပြောနေကြအတိုင်းသာ ပြောတာ။ တစ်ကယ်တော့ ကမ္ဘာက မစဘူး။ စိတ်က စပါတယ်။ ကမ္ဘာစစ်ကို စိတ်ကစရင် ကမ္ဘာ့ ငြိမ်းချမ်းရေးကိုလည်း ဒီစိတ်ကပင် စတင်တည်ဆောက်ရမှာဖြစ်ပါတယ်။

ဒါကြောင့် စိတ်ရဲ့ ငြိမ်းချမ်းရေးကို အမေရိကန်ထောင်သား နှစ်ယောက် နှင့် နေရူးတို့ က ဗုဒ္ဓရုပ်ပုံတော်တို့ က ကြည့်ကြည့်ပြီးတော့ သူတို့ ရဲ့ စိတ်ဓာတ်ငြိမ်းချမ်းရေးကို ယူသွားကြတယ်။ ရလည်း ရသွားကြတယ်။

အမေရိကန်လူကြီးက ဓမ္မပဒစာအုပ်ကို မရရအောင် ရှာဖတ်ပြီးတော့ ထောင်ထဲမှာ အဲဒီဓမ္မပဒတရားကို တခြားထောင်သားတွေကို ဟောပြတယ်။ ဟောရင်း ဟောရင်း နဲ့ သူထောင်ကလွတ်တော့ ခရစ်ယာန်ဘုန်းကြီးဖြစ်တာပဲ။ ခရစ်ယာန်ဘုန်းကြီး ဘာနှင့်ဖြစ်သလဲဆိုရင် ဓမ္မပဒနဲ့ ဖြစ်တာ။

ဒီအကျဉ်းထောင်မှာ ဗုဒ္ဓဘာသာဝင်လည်း ရှိမှာပဲ။ ခရစ်ယာန်ဘာသာဝင်လည်း ရှိမှာပဲ။ အစ္စလာမ်ဘာသာဝင်လည်း ရှိမှာပဲ။ ဟိန္ဒူဘာသာဝင်လည်း ရှိမှာပဲ။ ဂျုးလည်း ရှိမှာပဲ။

ခရစ်ယာန်တွေရဲ့ ကိုးကွယ်ရာက God ၊ ဂျူးတို့ ရဲ့ ကိုးကွယ်ရာက ယေဟိုးဝါး ၊ အစ္စလာမ်တို့ ရဲ့ ကိုးကွယ်ရာက အလ္လာအရှင်မြတ် ၊ ဒါတွေက ကိုးကွယ်စရာတွေ။ ဒီကိုးကွယ်စရာ အမျိုးမျိုးကို ဘယ်လိုပင် ကိုးကွယ် ကိုးကွယ် ကိစ္စမရှိပါဘူး။ God ကို ရှိခိုးရင်လည်း ရှိခိုးပေါ့။ အလ္လာကိုလည်း ဦးတိုက်ချင် ဦးတိုက်ပေါ့။ အရေးမကြီးပါဘူး။