" T T H - 7 Fever "

သူရို့အားလုံး အဖျားတက်ကြလေပြီ။သာမာန်အဖျားမဟုတ်။အပြင်းအထန်ဖျားသော T T H - 7 Fever " (ခေါ်) “သန်းသန်းထွေး” ရောဂါ ကူးစက်သွားခြင်း ဖြစ်သည်။ တစ်နိုင်ငံလုံးက ဘောလုံးဝါသနာရှင်များထံသို့ အချိန်တိုအတွင်း ကူးစက်ပျံ့နှံ့သွားခြင်းဖြစ်သည်။ ထိုအဖျားရောဂါစတင်ရာ နေရာဒေသကတော့ မန္တလေးမြို့ မန္တလာသီရိအားကစားကွင်းမှ အစပြုချေ၏။

တစ်စုံတစ်ရာ(သို့တည်းမဟုတ်) တစ်စုံတစ်ယောက်ကို နှစ်သက်မိပြီဆိုလျှင် အလွန်အကျွံ အားပေးတတ်ကြသည်က မြန်မာလူမျိုးတို့ အကျင့်စရိုက်ပင်။အားပေးမိပြီဆိုလျှင် ရင်ထဲအသည်းထဲမှ လှိုက်လှိုက်လှဲလှဲ အားပေးတတ်ကြသည်။ ထိုသို့အားပေးနေကြရင်း မိမိတို့မျှော်လင့်ထားသလောက် ဖြစ်မလာလျှင်တော့ ထိုအရာနှင့် ဆန့်ကျင်စွာ လွန်လွန်ကဲကဲ တုန့်ပြန်တတ်ကြသည်။ထိုသို့ လူမျိုးစွဲ၊ပုဂ္ဂိုလ်စွဲ ကြီးမားခြင်းကြောင့် ဘာသာရေး၊လူမှုရေး၊အားကစား စသောအခြင်းအရာများတွင် အစွန်းရောက်သော အပြုအမူများကို အမှတ်မထင် ပြုမူမိတတ်ကြခြင်း ပင်ဖြစ်သည်။

ယခုလည်း မြန်မာပြည်က ဘောလုံးပရိတ်သတ်များကယောင်ကတမ်းဖြစ်သည်ဟု ပြောရလေမလား။ စိတ်ခံစားချက်များ တဟုန်ထိုး မြင့်မားသွားသည်ဟု ပြောရလေမလားမသိ။ ကူးစက်မြန်ရောဂါတစ်မျိုး ဖြစ်ပွားနေကြလေသည်။ အမှန်တော့ ခံစားချက်များက အပြင်းအထန် Heat တက်သွားခြင်းပင်။
ဘိုလိုပြောရလျှင်တော့ T T H - 7 Fever ဟု ခေါ်ရလေမလား မသိပေ။ မြန်မာအမျိုးသမီးဘောလုံးအသင်းမှ ကျောနံပါတ်-7 Than Than Htwe ကို မြန်မာဘောလုံးပရိတ်သတ်များ အရူးအမူးအားပေးနေကြခြင်းပေတည်း။

ဒီအဖြစ်အပျက်များမတိုင်မှီက တစ်မျိုးသားလုံးမျှော်လင့်ထားသော မြန်မာ အမျိုးသားဘောလုံး အသင်းသည် ဘောလုံးပြိုင်ပွဲတွင် အုပ်စုမှပြုတ်ကာ နေပြည်တော်သို့ မချီတက်နိုင်ဘဲ ရန်ကုန်တွင် ငုတ်တုပ်မေ့ကာ ကျန်ရစ်ခဲ့သည်။အားပေးကြသော ပြည်သူအပေါင်းမှာလည်း မျက်ရည်စက်လက်နှင့် ရင်ကွဲပက်လက်ဖြစ်ခဲ့ရသည်။အမှတ်မရှိတဲ့အသည်း ခဏခဏကွဲ ဆိုသလိုပင်။အားပေးကြလေတိုင်း ရှုံးပွဲများနှင့်တွေ့ကြုံရလေတော့ ပရိတ်သတ်များက သကောင့်သားများအပေါ် အတော်ပင် နှာတင်းသွားတော့သည်။Sea Games ပြိုင်ပွဲကြီးက ကိုယ့်မြေကိုယ့်ရေပေါ်မှာခြိမ့်ခြိမ့်သည်းသည်းကျင်းပနေလေတုန်း ဗြုန်းဆို မြန်မာဘောလုံးအသင်းက အုပ်စုမှ ပြုတ်ကျန်နေလေတော့ ပရိတ်သတ်များမှာ ဘယ်သူ့ကို အားပေးရမည်မှန်းမသိ ယောင်ချာချာ ဖြစ်ကုန်ကြလေသည်။ဘောလုံးကို အလွန်အကျွံအားပေးကြသော ပရိတ်သတ်များမှာ မြန်မာဘောလုံးအသင်း ဆက်လက်ပါဝင်နိုင်ခြင်းမရှိတော့သည့် လက်ရှိကျင်းပနေသော Sea Games ပြိုင်ပွဲကြီးမှာ မိမိတို့နှင့် ဘာမှမသက်ဆိုင်တော့သလိုပင် ရုတ်တရက် ခံစားသွားကြရလေတော့သည်။

ထိုအချိန်မှာပင် မြန်မာအမျိုးသမီးဘောလုံးအသင်းက ဆီမီးဖိုင်နယ်သို့ တက်ရောက်သွားခဲ့သည်။ဒေသတွင်း မဟာပြိုင်ဘက် ထိုင်းနိုင်ငံနှင့် တွေ့ဆုံကာ ဗိုလ်လုပွဲသို့ ချီတက်နိုင်ရန် အပြိုင်အဆိုင် ကြိုးပမ်းကြလေတော့သည်။အမျိုးသမီးအ သင်းမှာ စိတ်ဓါတ်ကလည်းကောင်း၏။ တစ်ဦးချင်းစွမ်းရည်ကလည်းကောင်းသလို အသင်းလိုက်စုစည်းမှုလည်း ရှိသည်။ထိုင်းအသင်းကို အနိုင်မခံအရှုံးမပေးစိတ်ဓါတ်ဖြင့် မာမာကျောကျောဖြင့် သူတင်ကိုယ်တင် ကစားပြလေသည်။ကံမကောင်း အကြောင်းမလှသဖြင့်သာ ထိုင်းအသင်းကိုရှုံးနိမ့်ခဲ့ရသော်လည်းအလွယ်တကူ အရှုံးပေးခဲ့ရခြင်းမျိုးတော့ မဟုတ်ပေ။ ပုံမှန်ပွဲချိန်တွင် သရေရလဒ်ဖြင့် အရှုံးအနိုင် မပေါ်ချေ။ အချိန်ပို နာရီဝက် ထပ်ကစားသော် လည်း ခြေရည်တူ သရေသာဖြစ်သည်။ ပင်နယ်တီအဆုံးအဖြတ်ခံယူရသည့်တိုင် အဆုံးအဖြတ်ဂိုး (၉)ဂိုးကန်သွင်းယူပြီးမှသာ ထိုင်းအသင်းက အနိုင်ယူနိုင်ခဲ့သည်။ ခြေရည်တူသော်လည်း ကံတရားက ထိုင်းအသင်းကိုမျက်နှာသာပေးသွားခဲ့သည်။ထိုင်းကို မြန်မာအသင်းရှုံးနိမ့်ခဲ့၍ ရွှေတံဆိပ်ဆုနှင့်ဝေးခဲ့ရသော်လည်း သန်း(၆၀)သောပြည်သူများကပေးသောရွှေဆုကို မြန်မာအမျိုးသမီးအသင်း ရရှိခဲ့လေသည်။
ဒီမှာတင် "T T H- 7 Fever" စတင်ပျံ့နှံ့လေတော့သည်။

အီတလီဘောလုံးသမားတစ်ဦးခေတ်ကောင်းစဉ်က မြန်မာဘောလုံးပရိတ်သတ်တချို့ပြောလေ့ရှိသော စကားတစ်ခွန်းရှိသည်။ “တော့တီကိုတော့ မထိနှင့်” ဟူ၍ ဖြစ်သည်။ ကျန်တဲ့ဘောလုံးသမားဟူသမျှ ပြောချင်သလိုပြောလို့ရသည်။ သူတို့အားပေးလေသောဘောလုံးသမား ” တော့တီ “ကိုတော့ မကောင်းဟု ဘယ်တော့မှ မပြောလေနှင့် ။ပြဿနာဖြစ်သွားပေမည်။ မိမိချစ်သော အားကစားသမားကို လုံးဝအထိမခံနိုင်အောင်ပင် လွန်လွန်ကဲကဲ အားပေးကြခြင်း ဖြစ်သည်။ ဒီကနေ့ခေတ်အလိုဆိုလျှင်တော့မန်ယူပရိတ်သတ်များအတိုင်းဖြစ်ပေမည်။

ယခုလည်း “သန်းသန်းထွေးကိုတော့ မထိနဲ့“ဟု ပြောရလေမလားမသိပေ။နေရာအနှံ့မှာ လူအများအကြားမှာ “သန်းသန်းထွေး “ဟူသော အမည်က အဖျားရောဂါတစ်ခုလို ကူးစက်ပျံ့နှံ့နေလေတော့သည်။Facebook လူမှုကွန်ယက်တစ်ခုလုံးတွင်လည်း “သန်းသန်းထွေး “ အမည်ပါဝင်သော Status များက Page အနှံ့ Wall အနှံ့ ပျံ့နှံ့နေသည်။တစ်ချို့က ကျောနံပါတ် “7” ကို အကြောင်းပြုကာ “ဒေးဗစ်ဘက်ထွေး” ဟု ထောပဏာပြုကြသည်။ တစ်ချို့ကတော့ ”Lucky 7 အထွေးလေး” ဟု ချစ်စနိုး ခေါ်ဝေါ်ကြသည်။သတင်းဌာနများကလည်း သန်းသန်းထွေး ထံသို့ အင်တာဗျူးကြကုန်၏။မန္တလေးမိုဘိုင်းဖုန်းဆိုင်တစ်ခုမှ ဆိုင်ရှင်လင်မယားနှစ်ဦးကလည်း သူတစ်ဦးတည်းအား အကောင်းဆုံးကစားသမားဟု ရွေးချယ်ဂုဏ်ပြု ဆုပေးလေသည်။ကုန်ကုန်ပြောရလျှင် "သန်းသန်းထွေး"အမည်ဖြင့် စားသောက်ကုန်များကိုပါ ခါတော်မှီ ဈေးကွက်မြှင့် တင်လာကြရတော့သည် အထိ နာမည်ကျော်ကြားလာတော့သည်။

 
ယုတ်စွအဆုံး မြန်မာ့အသံ ဘောလုံးပွဲကြေငြာသူမှပင် “ ကျွန်တော်တို့ရဲ့ သန်းသန်းထွေးလေး ပါခင်ဗျ … ဆွဲလာပါပြီ … ကန်တင်ပေးလိုက်ပါပြီ ” ဟု ရွှန်းရွှန်းဝေအောင် ကြေငြာမိလေတော့သည်။
မန္တလာသီရိအားကစားကွင်းထဲတွင် “သန်းသန်းထွေး “ အမည်နှင့် Vinyl ဗီနိုင်းဆိုင်းပုဒ်များ ကလည်း နေရာအနှံ့ပင်။ “သန်းသန်းထွေး “ ဆိုသော အနှီမလေးကလည်း ထိုသို့ ဖူးဖူးမှုတ် ဂရုစိုက်ခံရလောက်အောင်ပင် ခြေစွမ်းပြသနိုင်သည်။ တကွင်းလုံးသူ့ ခြေရာတွေချည်း ဖြစ်အောင် ကစားပြနိုင်သည်။မလေးရှားနှင့် ကစားရသော တတိယနေရာလုပွဲတွင် ဆံပင်ကို အထောင်စည်းလျှက် တစ်ကွင်းလုံးအနှံ့ကစားရင်း အဝေးမှ အပြင်းကန်သွင်းကာ ဂိုးသွင်းစွမ်းရည်ပြသသွားလေသည်။ပရိတ်သတ်များကလည်း ပို၍ပင် သည်းသည်းလှုပ်သွားကြသည်။ ကြည့်ရှုနေကြသော ကိုကို၊မောင်မောင်တို့ သဘောခွေ့ကာ ကမ္ဘာကျော် ဘောလုံးသမားဇီဒန်းနှင့်ပင် နှိုင်းယှဉ်ကာ တင်စားကြလေတော့သည်။

သူများတွေနှင့်မတူ တမူထူးခြားစွာ မန္တလေးမှ ပုရိသပရိတ်သတ်တစ်ဦးကတော့ သူ၏ဘယ်ဖက်လက်ဖျံတွင် “သန်းသန်းထွေး” “ 7” ဟူသောစာသားနှစ်ခုကို အပြီးအပိုင် ထာဝရ ရေးထိုးလိုက်လေတော့သည်။

ဤကား T T H - 7 Fever (ခေါ်) “သန်းသန်းထွေး” အဖျားရောဂါပင် ဖြစ်လေသည်။ ဤရောဂါမှာ ယခုရက်ပိုင်းအတွင်းတွင်တော့ အရှိန်အဟုန်နှင့် ပျံ့နှံ့နေဦးမည်သာ ဖြစ်သည်။ ဤရောဂါအတွက် ကုသရန်ဆေးမရှိပေ။ အချိန်တန်မှသာ သူ့အလိုအလျှောက် သက်သာသွားမည့် ခါတော်မှီရောဂါ တစ်ခုသာ ဖြစ်သည်။ကျွန်တော် ကိုယ်တိုင်ပင် အပြင်းအထန်ခံစားလိုက်ရသော ကူးစက်မြန်ရောဂါတစ်ခုဖြစ်ပေသည်။